我是一個學界的灰姑娘: 32. 小敏姐的你問我答

係學校禮堂內，大家都好期待每年一度嘅聖誕talent show其中一個環節
 
「大家好呀!!!我地英華女校每年一度嘅盛事!!!!睇人乜乜最開心!!係咩呀!?」MC好興奮咁係台上問大家
 
「妳問我答!!!!!!」我每一年都好期待，都笑得好開心
 
F.1果年有阿Sir同Miss求婚成功
 
舊年就有孖女係台上瘋狂咁玩到MC飛起
 




而今年我係非常之期待，因為今年嘅嘉賓係…小敏姐
 
諗返起佢知道自己當選果一日，佢個口撆到合唔埋個樣，真係好好笑
 
果日佢驚恐個樣，我一世都唔會忘記
 
「有請我地今日嘅嘉賓!!!Miss Lam個大女!!!F.5D!!!虎鯊!!!程詩敏!!!Jasmine!!!!!」
 
小敏姐伴隨住「英雄本色」音樂撓實雙手行出黎
 




一首好襯佢嘅音樂。當佢出場坐好果時，孖女嘅F.2B班一齊起身，向小敏姐鞠躬敬禮
 
「大表姐!!!!」X40
 
我地班有見及此，Evelyn立即率領F.3C全班起身
 
「小敏姐!!!」X40
 
一時間，好多人向小敏姐問好
 




「妳好呀Jasmine，妳真係好受同學歡迎喎」
 
「大家俾面者」佢就連講句野都咁有霸氣
 
「咁我首先恭喜妳同排球隊先啦，學界女排3連霸，今年贏左老對手女拔」
 
「多謝妳先，如果佢地想向我地報仇嘅話，我地無任歡迎。首先請佢地入到學界女排決賽先再同我地講」
 
佢真係好有自信
 
「係係，好，問下Jasmine妳問題先。眾所周知啦，妳係Miss Lam嘅大女，咁Miss Lam有冇俾壓力妳要讀好d書呢?」
 
「冇喎」
 
「咁有冇問點解呢?」大家非常好奇，點解Miss Lam唔會督促自己個女讀書呢




 
「咁我身為大家姐，對落有兩個細佬，做所有事都唔可以要爸爸同媽咪擔心架嘛，所以我由細都係自動自覺去溫書做功課」
 
「咁妳會唔會教下兩個細佬咁架?」
 
「果兩個都唔係人黎，佢地一個F.3，一個小四。係英皇同聖類斯殺盡全校」
 
「全級第一呀?」
 
「咁又冇，頭三就一定有，視乎佢兩個心情啦」
 
「咁係屋企之中呢，Miss Lam有冇話偏心於三姊弟某一個?定係絕對公平公正?」
 
「我媽咪呢，就當然有偏心啦」
 




小敏姐咁講，全場都「下」左出黎。因為Miss Lam係學校中係非常公正
 
「咁Miss Lam係最錫邊個多d呢?」
 
「佢呀?佢最錫我最細果個細佬囉」
 
「咁有冇問原因呢?」
 
「當年呀……佢出世果時差一日就早產，而且出世果時身體唔太好，要瞓氧氣箱、打抗生素」全校聽到一個初生BB咁慘，大家嘅母性都出哂黎
 
「下…初生bb喎」
 
「係呀，果時媽咪應該留左院好耐，就係為左陪細佬」
 
「但係媽媽應該生完小朋友就出院喎」




 
「因為細佬情況幾麻煩，而且佢嘅主診醫生係我公公嘅同學，所以醫院就俾媽咪留耐d」
 
「咁果時屋企混亂嘛?」
 
「當時嘛…我爸爸同公司講停飛一段時間，大姑丈就代佢飛哂佢。咁阿姨…即係對孖女個媽咪就帶埋佢地兩個去我婆婆屋企住，方便照顧我地兩姊弟。」