我是一個學界的灰姑娘: 31. 校長都幫我地手啦

「唔?再婚!?」校長一面茫然
 
「係呀校長。但係媽媽唔肯認」
 
「家琪妳咁緊張做咩呢?」
 
「咁…媽咪呀，偉叔可能會做家琪繼父嘛」
 
「但係Natalie妳有冇問題先?」
 




「咁我都想媽媽開心d嘅，佢都未夠50…而且爸爸都走左咁耐…」
 
校長托一托眼鏡
 
「我都明白嘅，我幫妳地瞭解下啦」
 
「唔該校長」
 
「不過Natalie，妳拍拖時都唔好影響自己喎」
 




「我?校長我冇拍拖喎」
 
「真係?」校長眼光幾凌厲下
 
「呀…係…前排同個喇沙仔拍過兩星期左右不過…」
 
「嗯，妳識保護自己就得。雪凝，妳個仔呢?」
 
「浩翹?佢同慧思算唔算拍拖呀?」
 




「佢地先得果4年級，而家仲邊有人好似妳同妳老公咁樣，小學就認定自己身邊果個咩?我話浩揚呀」
 
「佢呀…佢同個培道女仔拍緊拖…」
 
「佢講妳知架?」
 
「係雪晴見到嘅……小敏同浩揚兩個互相幫大家cover住，但係我同阿風都知」
 
「妳地呀，好好睇住d細路呀」
 
「知啦奶奶」
 
「Natalie，我有時間就去問下美姐啦」
 
「唔該校長」




 
我地出左校長室後，Miss Lam係到嘆氣
 
「Miss Lam，妳冇事嘛」
 
「我都唔知鍾唔鍾意個仔拍拖。小敏冇咩問題，佢一向都好自立。但係浩揚就成日俾個女仔食住，真麻煩」
 
「俾女仔管住唔好咩?」
 
「我唔太鍾意果個培道妹者…」
 
「放鬆d啦阿嫂，個仔識諗架啦」
 
「姨媽!!」x2
 




「咩事呀柏玲柏瑩?」
 
「表哥真係拍緊拖呀?」x2
 
「係呀，做咩呀?」
 
「純粹八掛」x2
 
「妳地兩個呀，乖乖地唔好激親媽咪呀」
 
「知道啦」X2
 
佢地行開左之後
 
「唉…呢對孖女又係煩嘅…」




 
「咩事呀姐姐?」
 
「有男仔追緊佢地啦，但係佢兩個睇唔上其他男仔」
 
「妳唔好同我講…呢對孖女鍾意妳個仔呀…」
 
Miss Lam點一點頭
 
睇黎Miss Lam真係幾頭痛下