我是一個學界的灰姑娘: 30. 極速完結嘅拍拖

估唔到我係F.3果年……我真係有男仔追
 
其實都唔知算唔算初戀……我同佢只係拍左兩星期拖…我就主動結束呢段關係
 
老實講，除左拖手之外，我都冇同佢做過其他野
 
我同佢點識?
 
係同學Friend搭friend識
 




「下!Natalie妳同Jason佢分左手呀?!」
 
Evelyn(F.1蝦我果個同學)係到問我
 
「係…係呀…..做咩事呀?」
 
「原因呢?果時佢咁多女仔唔揀，偏係揀妳」
 
「我真係想殺左佢添呀!!!」我嬲爆爆咁講
 




「做咩事呀?佢….非禮妳呀?」
 
「差唔多啦!!一齊冇耐…就不停摸我，過分!」
 
「仲有冇呀?」
 
「最過分係佢睇唔起窮人囉!呢d有錢仔，我都唔會同佢拍得耐，所以盡早斬纜仲好」
 
係架，我好憎人睇唔起窮人
 




因為我自己之前都係窮人
 
但係唔止我一個有拖拍啦….最得人驚…係小敏姐姐
 
係某一日，俾我見到佢同個男仔拖手行街
 
不過拍拖….好正常
 
雖然小敏姐姐個勢好強勢，但係佢都係女仔黎嘅……佢都有小鳥伊人一面
 
但係佢都有極為凶狠嘅一面
 
近來，媽媽同偉叔經常一齊出現，而且仲經常放假時會行下街
 
但係我又唔夠膽問佢地，所以，我搵大白鯊幫手




 
「下!?家琪妳講真架!?」Miss Cheung係Lunch 時間食住薯片咁講
 
「係呀Miss Cheung….我又唔方便去問佢地….」
 
「但係妳媽咪有個伴，妳唔鍾意咩?」Miss Lam問我
 
我諗一諗
 
「又唔係唔鍾意嘅….但係都要俾我知道掛….我…可能有個後父喎」
 
「唔….家琪妳都講得啱嘅….但係由我地問又好似….」
 
我地三個一齊係到唔緊，連同小敏姐姐同埋兩位孖女，我地幾個人一齊R哂頭
 




終於….Miss Lam決定親自去問
 
結果…..原來媽媽同偉叔大家都有d意思，而佢地都怕我唔鍾意，所以就唔敢講我知
 
有一晚食完飯，我係房同媽媽講
 
「媽媽，我有野問妳」
 
「咩事呀家琪?」
 
Miss Cheung教過，要單刀直入咁問
 
「妳同偉叔係咪想再婚呀?」
 
媽媽聽見後有d驚




 
「妳….妳點解咁講呢?我仲要照顧妳架嘛」
 
「我都話過妳要搵個伴過世囉，我總會嫁人架嘛」
 
「妳…妳又有拖拍咩?」
 
「咩…咩又有呀?」
 
「妳唔係同男仔拍緊拖咩?」
 
「我…我同佢冇左啦…妳唔…妳唔好燒到我到先!!」
 
「呵!!媽媽嘅事妳細路女唔好理啦」
 




「我點可以唔理呀!!!」
 
我地兩個各執一詞，佢死都唔認
 
於是，Miss Cheung決定出絕招
 
係校長室內，我連同Miss Cheung同Miss Lam一齊見校長