我是一個學界的灰姑娘: 29. 少女時代的來臨

小敏姐姐今年係F.4，進入左DSE課程。有時聽佢講，佢自己讀書唔及Miss Lam咁叻，但係Miss Lam都冇俾壓力佢
 
我問過姐姐大學想讀咩科，估唔到佢想讀嘅係護理系，佢想做一個護士
 
都啱嘅，係病房，護士係惡過醫生
 
而今年F.1，最出名，就係果對孖女
 
基本上，佢地兩個無時無刻都係一齊出現。而且佢地有時仲激到Miss Lam彈起
 




佢地通常都係會有以下傑作;
 
1. 要交錢時冇帶錢，每次都要Miss Lam幫佢地出
2.一齊上堂瞓覺，然後又鬧對方唔叫醒自己
3.趕住出門口，著錯對方胸圍
 
但係呢對孖女，係打羽毛球上，真係有一手
 
佢地係校內羽毛球比賽，初級組一出場就贏左雙打冠軍
 




然後越級挑戰中級組同高級組，都成功將班師姐打低
 
校長真係冇睇錯人，所以佢地兩姊妹係F.1已經成為左羽毛球隊主力
 
既然已經升中學，大家都開始有mm
 
亦代表青春期來臨
 
少女時代，大家總係寄盼自己有男朋友
 




而班上，就開始有同學同男仔拍拖
 
其實我同其他女仔一樣，都想有個男仔好好咁錫我照顧我
 
有時放學果時，會見到同學d哥哥黎接放學。當然佢地要經過大白鯊嘅洗禮先啦
 
見到d大哥哥，我都憧憬過可以同大哥哥拍拖
 
畢竟著校服拍拖係一件好青春嘅事
 
大家會為對方無條件咁付出，成個頭盎落去
 
但係有d同學就喊住返黎、仲有界手自殘
 
原因只有一個：同男朋友分開左




 
所以Miss Lam同Miss Cheung經常要搵社工一齊跟進問題
 
媽咪係學校內見得多呢d事，自不然對我更加保護
 
所以，我係F.2果時識嘅男仔數目，係0
 
係F.3果時我再一次遇到Miss Lam做班主任，Miss Cheung教英文….我地今年多左堂兩性教育
 
係大白鯊同Miss Lam一齊幫我地上
 
訓導主任加埋訓導處特工一齊上
 
訓導處特工係指Miss Lam呀
 




「好啦，各位同學，大家都係F.3啦，知唔知會發生D咩!?」
 
係班上有人嗌出黎
 
「不停咁姨媽到」然後大家都大笑
 
「如果妳不停咁姨媽到呢，果D叫內分泌失調，妳應該係睇醫生有冇同學答到我呀?」
 
然後再有同學講
 
「Miss Cheung….妳係指….我地會有人開始…..同男仔拍拖?」
 
「冇錯!!!妳地F.3，開始會對男仔產生興趣，咁樣其實係好正常嘅，當年我F.1都試過瞞住校長同男仔拍拖」
 
「Miss Cheung，咁最後呢?」




 
「最後嘛…..上堂….唔好問」
 
「車!!!!」
 
「咁如果遇到有男仔追妳地，要點呢?」
 
「先要佢送禮物俾我地!!唔好咁易俾佢追到!!要將佢玩弄於股掌之間!!!」我d同學真係有d變態
 
「我係指，如果妳地拍拖時，佢地要求進一步要點」Miss Lam開始引導我地
 
「拒絕!!」「叫佢戴套!!」
 
「總之妳地要好好保護自己，學校就唔反對大家拍拖嘅。不過記住唔好影響讀書，如果影響左嘅話…校長幾忙都好，一定會見一見妳地嘅」
 




有同學舉手「咁兩位老師，妳地少女時代又點架?」
 
「我…我地少女時代!?呀….交俾Miss Lam」
 
大白鯊將個波交俾Miss Lam
 
「果時呀….我F.1-F.5呢……係有人追嘅，不過我拒絕哂」
 
「點解呀!!!!」
 
「咁我又唔鍾意人地….無謂因為想有拍拖而求其搵個男仔拍拖啦」
 
「仲有呢?」
 
「唔…我F.5果年，有個DBS男仔追我….佢黎到學校門口等我放學，然後俾校長解決左」
 
「咁Miss Cheung呢?校長果時有冇俾妳拍拖呀?」
 
大白鯊面紅紅咁樣….點左下頭
 
大家見到呢一幕都尖叫起上黎
 
「咁而家仲有冇同人地聯絡呀?相隔咁多年」
 
「點解妳地要咁講呢?」
 
「咁…少女時代….相距而家都好多年啦」
 
果時我突然諗起，Miss Cheung14歲就遇上佢先生，同佢拍拖
 
所以我望住Miss Cheung忍笑…仲忍得好辛苦
 
終於俾佢發現左
 
「Natalie…妳做咩望住我忍笑呀?」
 
「呀…Miss Cheung….唔….其實…..」
 
佢用凶狠眼光望過黎
 
「我…幻想緊Miss Cheung妳細個個樣者….冇事」
 
「總之，大家如果真係拍拖，就要好好保護自己」
 
「係!!!」