我是一個學界的灰姑娘: 28. 又係大白鯊

F.2開學啦，好緊張邊個係班主任
 
不過大家都係到祈禱，祈求主唔好賜大白鯊俾我地，大家係到不停祈禱
 
然後聽到打更聲
 
「紅旗!紅旗!有鯊魚!!!」
 
一聽到有鯊魚之後，大家乖乖地坐好，忍住氣息
 




慢慢見到鯊魚游過….遠離我地課室
 
大家立即鬆一口氣
 
然後，我地班主任入黎了
 
今年又係Miss Lam呀!!!大家一見到佢就非常開心
 
真係開心到大叫
 




「好彩唔係大白鯊咋!!!!」
 
世事往往係咁，有同學咁講之後，大白鯊又再次游過，仲伸左個頭入黎
 
嚇到大家靜哂
 
「Good morning Miss Lam」
 
「Good Morning Class」
 




大家好快坐好
 
「各位同學，我係妳地今年F.2D班主任，唔洗我再介紹自己嘛?」
 
「唔洗啦」
 
「今年我係會教大家科學」
 
「知道」
 
「嗯….以我所知，妳地班有同學係入左唔同校隊，希望各位同學不論讀書同埋比賽都有好成績」
 
「知道!!!」
 
「而家派發通告，聽日交返俾我」




 
「係!!!」
 
經過一大輪派通告後，大家放學
 
而第二日返學，第一堂就係英文
 
唔知點解我有D唔好嘅預感
 
成班同學係到談論會係邊個教英文
 
「Miss Wong?」 「Miss Sin?」
 
大家嘻嘻哈哈咁傾計，但係冇人講會係大白鯊教英文
 




「Natalie，妳知唔知邊個教我地英文呀?」
 
「我都唔知呀，媽媽唔肯講我知。我又冇機會去睇文件」
 
「連妳都冇機會呀?」
 
「暑假果時呢，都有老師當值返工，大白鯊同校長差唔多日日都返黎。大白鯊都係放左兩星期假左右」
 
「佢咁勤力做咩呀?」
 
「佢又真係幾上心嘅，差唔多日日都帶個女返黎」
 
「佢個女咪悶死囉」
 
「又唔會喎，每一次都係Miss Lam個仔陪佢返黎，我仲聽到，小鯊魚會成日去Miss Lam屋企玩」




 
「小鯊魚好得意架?」
 
「扎住孖辮，幾可愛架」
 
係我地嘻嘻哈哈果時，英文老師入黎了
 
佢一入黎第一句說話
 
「突擊測驗舊年教嘅野，唔合格罰清潔課室一星期」
 
冇錯，我地班今年英文老師，又係大白鯊
 
大家一見到大白鯊就立即坐好，另加流冷汗
 




估唔到第一堂就要測驗
 
小息時候，大家都攤係個位到休息
 
大白鯊真係好恐怖呀…..