我是一個學界的灰姑娘: 17. 佢係班主任個女

我靜靜地跟住黑社會大家姐小敏姐姐返落課室，佢入去果陣，個氣好強
 
「Natalie，有咩事就同我講。我可以做…媽咪同姑姐都做唔到嘅事」
 
「唔…唔好打搞到姐姐妳啦…」
 
「小敏!!!」Miss Lam原來已經到左門口
 
「媽咪!」
 




係果一刻，我全班終於知道，尋日保護我嘅小敏姐姐，就係我地班主任個女
 
「佢…係Miss Lam個女呀…..」「咁佢咪係…校長個孫女?」
 
大家開始驚起上黎
 
然後小敏姐姐轉身講「驚呀?驚就唔好集體欺凌同學!」
 
「係….」現場開始有人偷泣
 




「小敏!!快d返去上堂!!!再係咁我話俾爸爸知!!!姑姐就黎游到課室啦，妳試下遲過條大白鯊入去?睇下佢咬唔咬死妳呢條虎鯊」
 
一聽到大白鯊就游到，姐姐好快咁游跑上去
 
然後Miss Lam就對住班講
 
「剛先果個係我大女，F.3D程詩敏Jasmine，大家唔好問點解佢同Miss Cheung個名咁似，但我想同妳地講，妳地嘅所作所為已經俾我個女呢條虎鯊睇到實，佢地成班風紀組已經將妳地全班係目標咁睇。妳地成個學年最好乖乖地，一旦俾班鯊魚咬中，我都救唔到妳地」
 
「知道…」
 




「打開IS書，而家上堂」
 
之後果幾堂，大家都好留心同好乖….因為….大白鯊經常係課室外邊游過
 
而且….佢仲係我地班嘅英文老師
 
講起上堂，佢邊個都唔會俾面，包括我
 
佢最鍾意，就係突擊測驗，唔合格要幫手清潔課室
 
而且佢派卷果時，好鍾意由最低分果個同學嗌起，仲要高聲讀出妳嘅分數
 
如果唔合格，佢會一手將妳份卷扔走，而果位同學要自己執返
 
真係好恐怖




 
係午餐果時，我自己一個坐係課室食飯
 
因為午飯時嘅3D班，係幾可怕
 
彈bra帶呢d只係小兒科
 
我一打開個飯，就見到Miss Lam煮嘅飯
 
入邊有菜、肉，仲有蛋，好有營養，仲分怖得好好
 
我試一啖，Miss Lam煮野果然好好食，所以我好快就食哂
 
小敏姐姐俾我嘅，仲有一壺湯，今日係青紅蘿蔔豬骨湯
 




另外仲有一本英文小說，估唔到Miss Lam仲借書我睇
 
不過我一打開本書就見到個名
 
Jasmine CHEUNG
 
中間仲夾住份工作紙，係閱讀報告
 
果然係大白鯊…….
 
由於我係課室食飯關係，所以我冇得再避D同學
 
佢地幾個人行到我面前
 
「對唔住呀Natalie…..我地真係唔知妳屋企….」




 
未講完佢地已經眼淚長流
 
「我已經同左校長求情，罰唔罰係佢話事。我已經幫到盡」
 
之後黎回收飯壺嘅小敏姐姐見到呢一幕，佢又走過黎我身邊對住d同學
 
「妳地班好彩，尋晚媽咪打俾婆婆幫妳地求情」
 
大家聽到小敏姐姐咁講，大家都好開心
 
「本來婆婆同姑姐唔想原諒妳地，但係媽咪幫到妳地盡。婆婆先考慮唔處分妳地，但係要我地風紀組看管妳地，呢個已經係最大開恩」
 
「知道…」
 




「總之唔好俾大白鯊捉到妳地有咩錯處」
 
「係…」
 
小敏姐姐拎左一大袋藥出黎俾我
 
「家琪，呢枝藥水，紅色唔眼瞓，黑色呢枝食完會大昏迷。呢到感冒、消炎止痛、仲有腸胃藥。公公俾妳地看門口」
 
「知道…」
 
「仲有…呢d止痛藥，我姨丈叫妳隨身帶住」
 
「帶住?」
 
「放心啦，我姨丈係藥劑師，佢知妳F.1，差唔多要用止痛藥架啦」
 
「點….點解呀?」
 
「M到啦傻妹，大姨媽就黎搵妳架啦。唔洗怕羞，拿!呢到M巾，妳隨身帶幾塊，有剩放locker」
 
「知道….」
 
其實佢唔洗咁大聲同大家講，F.1妹就快M到…