我是一個學界的灰姑娘: 16. 電影對白的啟示

「媽咪幾點返到?」
 
我望一望個鐘「大約….7點左右」
 
然後Miss Lam再去睇睇林醫生俾我地d藥
 
「家琪妳仲Keep住d藥?差唔多一年啦喎」
 
「有時….媽咪同我有唔舒服都會食…」
 




「呢d藥太舊，我會拎過d新藥俾妳地」
 
「但係Miss Lam….」
 
「妳要明白，d藥唔可以擺太耐。小敏」
 
「係!媽咪!」
 
「妳叫姑媽開定d新藥」
 




「知道!」
 
然後Miss Lam拎出左d錢放係我手上，大約3000蚊，究竟佢帶幾多cash出街?
 
「家琪，妳少d粗勞。買多少少餸同媽媽食知唔知?」
 
「但係Miss Lam…..」我雙眼開始有淚水
 
「我唔要我學生咁辛苦，又讀書又要幫手養家」
 




「知道….多謝妳….」
 
「A simple act of caring creates an endless ripple that comes back to you。妳唔記得?」
 
「我記得…」
 
然後Miss Cheung行到我身邊，再將3000蚊放係我手上
 
「妳嘅事，我會同校長講」
 
「但係……大….呀…Miss Cheung….」
 
「大白鯊丫嘛，放心啦，我媽咪都想幫妳，佢係屋企都講過，妳係近年學校最有前途學生。」
 
「點會呢…」




 
「妳差唔多科科滿分咁滯，妳當我地唔知?放心啦，我媽咪一定會幫妳地」
 
「多…多謝….」
 
「乖乖地，等媽咪放工再去一齊食飯啦」
 
「知道」
 
我目送兩位老師離開，到左7點左右，媽媽就返到黎
 
我亦都聽老師吩咐，帶媽咪出去食飯。雖然係茶餐廳，但係已經令我好開心
 
係餐廳內，我同媽咪坐埋一邊
 




「點解妳俾同學咁樣蝦法妳都唔出聲呀?家琪」
 
媽媽係非常擔心我，呢一點我好清楚
 
「媽咪..我唔想妳為我擔心」
 
「校長真係要記全班大過?」
 
我點一點頭
 
「會唔會妳全班都要見家長?趕出校?」
 
「都有咁嘅機會」
 
「家琪，妳全班同學前途係妳手上，妳想點做?」




 
我嘆左口氣，呢個係好艱難嘅決定
 
「我都唔知…」我繼續食我面前嘅飯
 
「今次又係Miss Lam個女幫妳?」
 
我點一點頭「係小敏姐同佢果班同學一齊幫我」
 
我同媽咪返到屋企，今日已經好攰。我沖完涼後攤左上床到，係到回想，原唔原諒d同學好呢?
 
然後我不知不覺就瞓著左，而且今日瞓得比較冧
 
第二日起身，媽咪俾左封信我轉交俾校長同Miss Lam
 




「家琪，記住交俾Miss Lam呀」
 
「知啦媽咪」
 
係小巴上，我仍然係到諗要點做。忽然間，我聽到坐我隔離嘅叔叔睇緊套好舊嘅戲
 
我聽到句對白「凡事太盡，緣分誓必早盡」
 
我唔太明呢句，所以我就問下果位叔叔
 
「叔叔，我想知道果句野點解」
 
「哦，果句嘛。雄霸殺左聶風同步驚雲父母，就係為左果兩件絕世兵器。但係又承諾過會幫對方養大兩個細路。最後兩個想幫為父報仇，但係少林和尚就講呢句說話，去化解一場殺戮」
 
「咁叔叔你覺得呢?」
 
「我呀?唔…與其不停報仇，不如放下屠刀更好」
 
返到課室，正當我想入去時，我俾F.3嘅師姐綁架、捉左去、押解帶去3D班
 
「小敏姐姐?」
 
「妳今日就係到坐住先，到上堂妳就返落去」
 
「但係….」
 
「我媽咪叫我咁做，係我爸爸嘅主意」
 
「係…」
 
「仲有，呢個係妳嘅午餐」小敏姐姐推左個飯出黎
 
「點解…」
 
「係我媽咪煮嘅，放心啦，好食過姑姐煮果D」
 
「係….」
 
「妳每日午餐，都會由我拎俾妳」
 
「不過…」
 
「妳屋企咁樣，妳應該早D同婆婆講」
 
「係…」
 
「放心啦，唔會再有人蝦妳架啦。我陪妳返落去先啦」
 
「知道…」