我是一個學界的灰姑娘: 12. 優異生龍虎榜

第二日已經開始教書
 
為左慳錢，我每日都係繼續帶飯食，小息嘅時候都冇咩剩錢可以去買零食
 
而且我仲係果種冇咩朋友嘅人，應該話冇咩同學會同我做朋友
 
因為有小道消息流出左，係關於我會幫媽媽執垃圾去賣嘅身世
 
所以我每一日都係靜靜坐埋一邊自己做功課、溫書
 




開學大約幾日後嘅放學後，學生會有個遊花園環節
 
係為我地呢D新生介紹下學校環境、講下小道八掛消息之類
 
我地班跟住學生會師姐係到行
 
「各位同學，呢個係我地學校模範生龍虎榜，榜上嘅師姐同師兄個個都係猛人」
 
「師兄?呢到女校黎架喎」
 




學生會師姐同我地解釋返
 
「當年仲係會考高考年代，有D讀書好叻嘅男仔係會黎我地學校挑戰。而每一個師兄全都都係全級第一模範生畢業，就連校長當年都輸左俾佢男同學」
 
「嘩…連校長都輸」
 
「係呀，咁耐以黎，得一個師姐可以同D男仔平起平坐」
 
「果位師姐一定好叻」
 




「當然叻啦，妳地仲好熟添」
 
「係?」
 
學生會師姐帶我地去睇清楚龍虎榜
 
「睇下當年果個師兄叫咩名」
 
我地細心咁睇…….
 
「程逸風…..」
 
「睇下校長畢業果年果個師兄」
 
「咦…..程偉忠?」




 
「佢地係兩父子黎架」
 
「咁犀利?」
 
「有傳聞，當年程偉忠師兄係娶左佢同班同學」
 
「好浪漫呀……」
 
「妳地再睇下，邊個同程逸風師兄同屆」
 
我地留心睇
 
「LAM suet ying, Jessie…林雪凝….」
 




「下!?我地班主任!?」大家目定口呆
 
「冇錯，Miss Lam係咁多年以黎唯一一個可以同d男仔齊名嘅師姐」
 
「犀利呀….不過有冇師姐可以獨霸7年模範生呀?」
 
學生會師姐笑住講「當然有啦，妳地睇睇呢個」
 
佢指住一個名
 
「LAM suet ching, Karen…林雪晴。咁似Miss Lam個名嘅?」
 
「佢係Miss Lam個妹，佢地兩姊妹係我地學校傳說黎架」
 
「係?!」




 
「其實仲有一個師姐，妳地睇睇Karen之前果屆啦」
 
「CHEUNG sze man, Jasmine…..張詩敏….」
 
「大白鯊!?」
 
「冇錯，訓導主任張詩敏，我地校長嘅獨生女」
 
「怪不得佢咁著重紀律同校風…」
 
介紹完龍虎榜，大家返到課室，就開始八掛野啦
 
「大師姐呀，有咩八掛野可以聽下呀?」
 




「妳想聽咩八掛野先」
 
大家一講到八掛野，就非常興奮
 
「我地班主任結左婚未呀?」
 
「哈哈哈哈!!!!Miss Lam好早結左婚啦，佢好似…..24歲就嫁左人」
 
「咁後生!?佢先生係咩人呀!?」
 
「佢先生?拿…傳聞呀，Miss Lam係嫁左俾佢同班同學，學校最後一個女校男生」
 
「程逸風?」
 
師姐點一點頭「仲要係畢業典禮同Miss Lam求婚」
 
「好浪漫呀!!!!!!!咁Miss Lam有冇小朋友呀?」
 
「佢有兩個仔一個女」
 
「丫….Miss Lam個女會唔會係我地同學丫」
 
「真係架，佢而家F.3，綽號虎鯊。佢係大白鯊入室弟子，所以大家要安守本份」
 
「咁大白鯊呢?」
 
「大白鯊都嫁左人啦，仲有一個女。有時會見到佢老公車佢返放學，通常Miss Lam會跟佢地車架」
 
「點解嘅?」
 
「因為…..有同學聽過Miss Lam叫校長做奶奶」
 
「嘩…佢地關係咁複雜嘅，不過校長唔係得一個女咩」
 
「校長好似仲有個契仔」
 
「真複雜」