為了實現媽媽遺願，我成為了女兒國唐僧: K765

我：「都話有啲嘢係唔方便講出嚟，不過我呢個人就無乜所謂嘅…你哋覺得係乜咪乜囉。」我當答咗佢㗎喇，始終我無理由通街唱自己衰十一嘅。
正常嚟講一般人都會爭住話自己係處嘅，好似佢咁。
F：「肯定唔係啦，通街攬女又點會唔食喎。」
我：「自己理解啦…但又唔一定㗎，就算玩到最後可以話唔入去就唔入去，咁咪重係處嚟囉…打code先喇。」無錯吖，就算我同架車玩到天翻地覆，佢到最後都無食我隻豬重拱手相讓咗畀佢嘅學妹，而我都無影響到韻婷塊處女膜嘅完整性，係唔知佢而家割讓咗畀某人未啫。
身邊有QQ喺度，唔想做返以前嘅自己，就算幾唔想做功課都好都堅持繼續打code。
我：「妳知唔知道…點樣可以將nav啲link擺去偏右手邊？」咁大個mon成條橫幅得五組字疏落咁分佈實在係好肉酸，求祈如我都係睇唔過眼。
F：「呢啲唔係要用CSS嘅咩，留返畀阿健整囉。」
我：「乜CSS唔係剩係整顏色大細陰影呢啲嘅咋咩？」
F：「我點知喎，其實我都唔係好識。」
我：「如果…我喺前面加好多space，令到啲字褪去右手邊，唔知咁樣行唔行得通呢？」




F：「得就應該得嘅，但好似唔係咁好，不如等遲啲返學問先生或者其他同學啦。」
其實我又無諗過佢會幫到手，如果我一開始無恥啲嘅話應該求天王星收留我同阿健一組，憑佢實力肯定一個人就可以攪掂晒啲嘢，等我可以躺喺佢大髀上面…然而現實係一百分殘酷，證明咗我呢條廢柴連細龜都不如。
我：「其實如果妳覺得悶…可以返屋企先或者去第二度玩㗎，無必要坐喺度嘥時間，應該話…本身就無諗住要妳做啲乜。」學健仔話齋，佢唔喺度我就可以返屋企慢慢做…
F：「唔好咁話我啦，我係會幫手㗎，而家就上網搵定啲圖畀你哋用。」好…多謝小妹妹妳嘅熱心助人。
靜咗一陣，我又打多兩行字，佢突然用手踭批落我個身…
F：「喂…我係小女子呀。」今勻我真係搲晒頭。
我：「哦，妳係…小女子，但我唔係大男人。」其實佢係喺度猜燈謎吖，定係玩梗？不過我作為㞗噏廿四開嘅街童，點都要老吹回應返佢先。
F：「乜呀！我話我係小女子呀！」妳到底想表達啲乜呀？唯女子與小人難養也？好男不與女鬥？啲港女真係…
我：「欸…真係無所謂㗎，妳幫到幾多咪幾多囉。」我都費事話妳想free歪我哋，因為真係一早就預咗。
F：「你講乜呀，唔係功課呀，係我是，小，女，子。」佢指住自己塊面同我講，似乎就有啲不滿。