為了實現媽媽遺願，我成為了女兒國唐僧: K764

健：「欸…我今日想早啲走…得唔得？朋友搵我…」
我：「哦，條女搵你呀？係咪佢又走堂喇？」
健：「喂！做乜…佢係我朋友嚟咋嘛，咪亂講。」
我：「我無話你有女朋友呀，我話嗰條女咋嘛，朋友囉…定係炮友？係咪佢搵你扑嘢就掉低啲功課同我哋喇？」
健：「你都黐線嘅！咪聽佢亂噏，呢條友有陣時係咁不知所謂…妳都要小心啲。」頂你個肺，話口未完就出賣我，雖然我係講得爆咗啲啫，但你又唔係第一日識我。
我：「想走咪走囉，本身今日又係你約嘅，唔好講到我迫你做功課咁先得㗎，快啲行啦，禽獸，無人性。」
F：「其實…好多人都知你近排識到女仔啦，應該…你覺得緊要咪走先囉，功課可以慢慢做。」
我：「行啦，再喺度靡靡摩摩小心變返做青頭仔呀。」
健：「喂，夠喇…我同佢唔係你諗咁樣㗎！」
F：「算啦，你快啲行啦，唔好理你兄弟，我都知佢最鍾意亂噏廿四。」吖，妳個妹釘…雖然呢個係事實嚟。




健：「咁…我行喇，小心啲佢，有事記得大嗌。」
對住佢，反白眼已經係最低程度嘅反擊嚟。
好歹呢度係社區中心，諒我都唔可以對一個良家少女點樣，除非佢同細蚊一樣逆來順受啦…都係打code實際啲…
F：「哎，佢真係唔係處男嚟嗱？」
我：「咁有啲嘢…其實就唔太方便講嘅，但就算今日係，可能過一排都唔係㗎喇，妳鍾意咪留意下佢，感受下囉。」我就無咁衰仔，唔會直接出賣佢嘅。
F：「佢好似唔多受歡迎㗎，做乜無端端識到女嘅？」
我：「哦…呢啲嘢講緣份嘅啫，其實佢就應該要多謝我嘅…」結果，我就講咗個濃縮刪減版本嘅故仔畀佢聽，當然最重要係QQ並不存在喺裡面。
F：「吓？！乜有姐姐會因為佢係青頭仔而想玩佢？」
我：「其實…又無乜特別嘅，呢個年頭講求男女平等，阿健都算係一個正正常常嘅男仔，唔係乜嘢壞人，重有啲好恰添…你畀個處女我吖，我都想玩㗎。」
F：「其實我係處女嚟㗎。」




我：「哦…」我呆咗；第一我無諗過佢會答得我咁直接，而第二我都無乜諗過佢重會係處女，可能我太先入為主。
我：「正常嘅…應該㗎…」佢好似重等緊我講乜咁。
F：「唓，乜你咁嘅反應㗎。」如果唔係可以點喎…
我：「咁…我哋form…正常嚟講大部份都係處女嚟㗎啦。」無錯吖，撇除大啲嘅易汪唔計，四個女神得一個破咗處，佔比只係廿五%啫，絕對係合情合理。
不過係我哋學校乖啲啫，細蚊估計佢嗰班有接近一半女仔已經唔係豬嚟，架車口中所講嘅都類似。
F：「係…嘅，咁…你又係咪處嚟？」