thriXt Qantasy 純文字安眠之作 (New: - U2K - 一直上架): K730

A：「邊係玩呢…係演出安排，而且呢兩個係本身團員…」
褲：「我知呀！重點呀，其他女仔呢？！」
裙：「問題係點解佢哋重著住校服㗎？而且男女比例咁失衡，你係咪想食完聽日返唔到學？」
A：「妳哋點可以咁話我呢個正人君子…」
褲：「妹妹們聽住呀，呢個人係變態，係大色狼嚟，專食未成年少女隻豬㗎，妳哋千祈唔好掂佢呀！」
V：「啊！㖿！」妳學下Z咁唔出聲得唔得…
A：「喂…妳哋唔好老屈我得唔得？」
裙：「邊有老屈！家陣我隻豬去咗邊呀？講吖！」
A：「豬還豬，未成年還未成年，係兩樣嘢嚟㗎…」
裙：「你夠膽就對住我張身份證大聲講邊年邊月邊日食我隻豬，同埋佢隻豬！」




A：「喂…妳點計㗎，成唔成年唔係用呢條線㗎…」
褲：「你理得我哋點計！明明我哋個樣就咁細路女。」
裙：「總之你唔可以再留喺度，我哋都係為咗你嘅貞操著想。」…。
褲：「幾位學生妹妹，為咗保護妳哋，我哋而家要帶走佢喇，byebye。」然後兩位就扭住佢耳仔拖佢走。
Well，我重想視姦多幾下兩位姐姐，可憐嘅團長。
Y：「你而家應該明點解有啲嘢我諗都唔使諗啦。」
Q’：「又係咁，都唔知條友係咪專登㗎…」
V：「唔鍾意佢呀！呢啲專蝦女仔嘅衰人，都唔明點解會有女仔摏個頭埋去㗎。」
Y：「勸妳小心啲好，佢再同你玩落去，我驚連妳都摏埋個頭過去。」
V：「先唔會呀！我憎佢呀！呢個人係…大仆街嚟㗎！」




Q：「哈，妳對佢咁上心，唔知如果佢蝦妳蝦到上心口嗰陣妳重識唔識反抗咁呢？」
V：「我先…唔會睬佢呀！」Zilvia喺度笑。
G：「不過話時話…佢哋一直諗住咁落去？」
Q’：「點知佢…都唔知呢兩個係咪佢女朋友嚟嘅。」
G：「都兩年有多啦，咁都唔係女朋友嘅話會係乜？」
Q’：「女朋友係個名嚟嘅啫，我意思係唔知道團長係咪真心鍾意佢兩個，反正…佢只係唔介意佢兩個繼續留喺自己身邊，而佢兩個又真係肯死捱落去，要講鍾意嘅話，可能Helen對佢嚟講重吸引。」
G：「都係嘅，師姐咁溫柔，係佢先氹得掂團長。」
Z：「想問下…留喺呢個人身邊對佢哋嚟講有乜著數？」
Q’：「欸…其他唔講，當買個機會掛，如果可以一直同佢一齊嘅話至少應該可以成世衣食無憂。」
V：「吓，乜呢條友好有錢㗎？」