thriXt Qantasy 純文字安眠之作 (New: - U2K - 一直上架): K729

A：「吖，妳妳妳…重要咁黑心咒我添？」
Y：「邊係咒你，係喺度讚你，個腎無得用又邊嚟有得虧呢…Queenie姐，呢個係妳嘅腐竹薏米。」
睇嚟佢都幾清楚大家鍾意食乜…但係諗諗下先發覺佢頭先好似無嗌我嗰份，唔通佢覺得我唔鍾意食甜甜？定係我呢個奴才唔配俾佢請食糖水呢？
Y：「呀，擘大口啦。」佢遞咗隻羹嚟我口邊。
我：「嘩，乜玩咁大呀？」我小聲的講。
Y：「做戲做全套呀，呢度好多人㗎。」佢小聲的答。
我：「呀，喑。」我邊有得揀㗎。
Y：「知你頭先羨慕人哋有羊架食喇，還返畀你囉。」
我：「話時話呢個乜糖水嚟，嗰啲啫喱粒粒咁怪…」
Y：「哦，咪你個好朋友鍾意食嘅桃膠嚟囉。」佢大聲說…




Q：「邊係好朋友，只係普通朋友。」佢又真係答。
YY佢攪乜鬼，就連糖水都要揀一模一樣擺明激QQ啫，女仔嘅諗法實在係難以理解，明明平時咁好朋友。
A：「Zilvia妹妹，請問可唔可以幫手喂我兩啖呀，否則我心理唔平衡會引致胃部不適㗎。」
Z：「咁…都無話唔得嘅…」如是者，我哋成班喺度玩家家酒，佢哋又研討下音樂安排，剩返女班長一個喺度死練爛練，加百列就負責監視住佢，而Q姐就監視住…
A：「吖，大鑊！弊家nel！」
Y：「做乜呀？約咗女去開房唔記得咗？」妳都唔使咁直接呀，好歹妳個乖乖女姐妹坐喺妳隔籬㗎咋。
A：「唔係呀…重衰…我講咗今日留喺U度趕project，點知有條契弟出賣咗我。」佢個樣又突然變晒。
Y：「乜呀，你點俾人出賣呀？」
A：「個場主咪睇到呢度個場嘅，佢cap screen send咗畀佢哋睇…」
Y：「有乜特別，你平時都無尾飛陀唔會俾人綁住㗎啦。」




A：「係無乜特別，但問題係妳哋幾個喺度。」
就講就到，門口突然俾人打開殺咗兩條女入嚟。姑勿論結果係點而且關我叉事，但係都要昅咗女先嘅；兩個女仔都差唔多高亦幾高下，同兩個Q差唔多，年紀就肯定夠熟食得，兩個都有化妝，濃妝啲嗰個就造型短髮，白色入膊背心恤衫無扣頭兩粒鈕，黑色短裙加黑色大髀襪，另一個就馬尾長髮，淺藍色sport bra加條灰色瑜珈褲，外加一件白色薄披，兩個樣都介乎兩個Q中間，心口就同QQ差唔多…
裙：「你條粉腸！話趕project原來嚟咗呢度趕？！」
A：「誤…誤會呀！其實都係學術相關嘅項目嚟。」
裙：「撚樣！你答我邊個credit同呢度嘅活動相關？！」
褲：「有乜嘢學校project會迫你同成班妹妹仔玩得咁開心？！」