thriXt Qantasy 純文字安眠之作 (New: - U2K - 一直上架): K731

Q’：「我唔知喺妳眼中點先會定義為有錢，但一般女仔嚟講，喺佢身邊成世唔使做確實無問題。」
V：「唓，成日串我有錢女，原來自己都係個二世祖嚟…」
Q’：「點都好啦，有嗰兩個女仔喺佢身邊對妳哋嚟講係一件好事，如果無人管下佢實在好難忍得住唔溝女。」
G：「咁又係，到時佢放題mode唔知會焚化咗幾多少女嘅青春。」
Q’：「哈，睇嚟有人好葡萄咁喎，話晒左擁右抱。」
G：「無，無啲咁嘅事，我邊敢喎…」
Q’：「哦，原來係唔敢啫，啱嘅，呢度咁多靚女，睇嚟我就快無行。」
G：「點會…我都無佢嘅天份…如果要葡萄…不如葡萄呢個好過，我覺得佢開心啲。」
我：「吓…點會喎，我只係閒人一個…」
U：「點呀，你哋係咪差唔多喇？我今日已經夠晒皮。」縱使出面橫風橫雨，女班長始終專注喺佢手上面嗰兩枝棍度，兼夾大汗搭細汗，就連件校服嘅背脊位都透晒。




G：「妳係咪掌握到點控制枝鼓棍喇，我未必可以成日嚟睇妳打成點。」
Q’：「你咪嚟幫下人囉，唔好講到我綁住你咁。」
U：「多謝Queenie姐姐，Gabriel哥哥，你哋已經幫咗我好多，我諗之後自己搞得掂㗎喇，唔該晒。」
G：「所以…妳要自己加油喇，畀心機。」
Q’：「對完咁多靚女，使唔使我去幫你舒服下咁呀？」
G：「吓…唔使啦，咁樣好似唔係幾好。」
Q’：「係咩，趁你個腦重有記憶喺度，可能你唔知想諗埋啲乜呢？」我都有㗎…姐姐妳條脷。
就係咁，經過一整晚嘅努力之後我哋就散band打道回府；雖然我其實無乜嘢做過，係食咗啲免費晚餐同掂過兩個女仔。走嗰陣幽蘭又好熱情咁話車晒我哋返屋企，但係個個住嘅地方唔同而且搭MTR比較方便所以我哋就婉拒咗嘅邀請；佢哋幾個搭啡色分別去土瓜灣、何文田、柯士甸同奧運，而我就無理由唔搭返綠色返屋企㗎…
Y：「喂，PK仔你走去邊呀？」
我：「吓，搭綠色返屋企囉，唔係諗住去邊？」




Y：「吖，你條友仔唔諗住送我哋返屋企㗎？」
我：「哎唷，個圈好唔順路㗎，妳哋咁多人邊使我送…」
Y：「不知所謂，都唔知你點做人隻兵嘅。」
我：「娘娘咪玩啦，我只係暫借㗎咋，而家又無其他人喺度，又有佢哋陪妳…」