為了實現媽媽遺願，我成為了女兒國唐僧: K720

坦白講呢個畫面好似喂狗咁，但佢鍾意玩埋啲咁嘅嘢又真係吹佢唔脹，肯定呢個人就係唔要面嘅。
Y：「爽，呢杯茶唔係幾啱我口味，交換啦。」呢個女人又攪乜鬼？但佢作為我嘅娘娘兼地下女朋友當然無得拒絕。
結果我杯希酥甩latte就落咗喺佢手上，換嚟佢嗰杯…飲咗一啖，有茶味，有芒果味，的確係得女人先會鍾意飲啲咁嘅嘢，重要唔知加咗幾錢先有得跟。
A：「爽，你實在係一隻出類拔萃嘅卒仔，我哋男人嘅架就係咁樣俾你丟清光。」佢滿口羊肉汁咁對我講。
我：「有幾呀？試下唔同味嘅嘢無咁悶咋嘛。」我唔知YY係乜嘢心態，但當然係有少少玩嘢同宣示主權嘅成份。
A：「你飲完娘娘嘅口水尾，成世就聽晒佢話無出息。」如果要認真研討呢個問題，除咗Zilvia之外我都要聽晒話…
我：「佢夠飲返我口水尾啦，係咪又要聽返我話先？」交換體液嘅嘢從來係相對嘅，除咗顏射之外。
Y：「呵，好話喇，咪睇下邊個聽邊個話囉。」
U：「乜有隻咁嘅兵喺身邊真係有用咩？」
Y：「好過無嘅，任勞任怨擔擔抬抬都得，當多過免費工人使下。」YY嘅嘴面…又係話劇組啲正西宮嚟。




V：「係呀，真係幾好用，佢可以攞到好多嘢㗎。」
U：「飲啦。」天王星遞咗佢杯茶去我嘴邊，用個飲管指住我，但眼神就好似喺度搵枝槍指住我咁。
我：「女班長大人，請問今次又玩乜呀…」
U：「咪睇下係咪真係咁聽話？唔好唔記得你今年完結之前要點。」喺佢淫威下我被迫屈服啜落佢枝飲管。
Q’：「無喇無喇，叛變喇。」
Q：「算吧啦，呢啲賤奴妳哋慢慢玩飽佢…」
A：「啊，唔通有人葡萄？真係好鬼羨慕阿爽嘅啫，Zilvia妹妹可唔可以又畀杯茶我啜下，我會聽妳話㗎。」
Z：「咁樣…唔係幾好嘅…唔好啦。」
V：「夠喇！你個仆…街已經飲咗我杯茶喇！」
A：「呀，有錢女爆粗真係零舍好聽嘅啫，不過，唓，杯茶都無妳口水尾嘅，所以我係唔會聽妳話㗎噃。」




V：「走呀！我先唔要你聽我話呀！」而事實上幽蘭重揸住枝羊架喺度喂緊狗。
唉，次次成大棚人一齊開餐就會亂七八糟，不過是但啦，QQ都慣晒而且啲食物真係好好味！塊華爾街牛扒外酥內嫩，放咗咁耐入面重識出煙暖笠笠，正！
不過呢，食嘅嘢就唔講太多喇，我都驚你哋殺咗我，畢竟一頓咁豐盛嘅晚餐對一般星斗市民嚟講其實負擔唔細。