為了實現媽媽遺願，我成為了女兒國唐僧: K714

V：「無錯，同低音大提琴一樣，可能佢只係得閒先嚟拉幾下輔音，但如果無咗佢成個氛圍同音色就唔同晒，如果要圖像化嚟表達，就等於一幅畫嘅陰影同勾邊，或者只係加少少水，上色範圍連1%都無，但就決定咗成個輪廓嘅表現。」
A：「讕醒，事不宜遲而家就嚟dem一次先啦，阿爽你條仆街好同我認認真真咁錄一次，要一mix直出。」
真心唔明，雖然我自認係幾仆街，都唔使咁話我㗎…
大致上嚟講係幾收到貨嘅，但天王星嘅連踩同三連踩就實在不敢恭維，好夾硬咁嘭出嚟，而且速度同音量都控制唔住，無咗手鼓嘅掩飾啲問題就更加明顯。
A：「嗯，我諗大家都明嘅，有乜要改善就自行參透啦。」佢講完就一條友入返去聽錄音。
我：「喂，我諗佢係話妳…好似練功夫咁，練右手唔練左手，練手唔練腳咁。」
U：「收嗲啦，呢小小嘢我點會唔un呀？唔好唔記得我淨係玩咗幾日咋，你重想我點啫。」
我：「哈，妳做乜學咗佢講嘢嘅…唔通…」
U：「咪發夢啦，佢呢啲仆街靚仔多十倍我都唔會睺佢呀！」其實都幾無辜，明明團長係幫佢最多嗰個嚟。
但我喺度諗，團長嘅外表已經咁優質再靚仔多十倍到底會係點嘅樣呢？MJ咁樣？一定唔係人樣，係異形！怪獸！




我：「佢靚唔靚仔唔關我事，但唔好唔記得如果妳唔可以準確咁打晒成首歌出嚟，我呢個仆街係可以玩到妳陰蒂勃起，妹妹出晒水，然後我再啜晒妳啲汁液落肚。」
U：「要打飛機就行開去第二邊啦，咪阻頭阻勢。」
唓，好叻咩，關心下妳都唔得咪走開囉，周度靚女。
Y：「你由得班長佢啦，佢自己識搞掂㗎喇。」
Q：「咪係囉，認清楚你娘娘係邊個，唔好幫錯人呀。」
V：「唉，交叉仔乜都玩玩下咁，又點會幫到佢吖。」
G：「欸…不如講返正題吖，其實幽蘭妳嘅音樂表現係已經非常好㗎喇，可以將成份譜每一粒音符都準確咁表現出嚟，但妳要記住夾band呢樣嘢係好講氣氛嘅，雖然而家我哋無觀眾，妳哋唔使表演台風，但係有啲修飾位係可以再free少少，尤其係其他團員都會受主音結他影響…」
所謂嘅表現力，係可以影響人情緒，令人感動…
A：「話時話我哋應該要開始諗醫肚呢個問題，你哋諗住點㗎？出去食？嗌外賣？」
Q’：「鬼唔知咩，我咪喺度睇緊App囉，Queenie妹妹妳有無心水呀？」睇嚟佢兩個相處得幾好咁。




V：「呀！我想講今晚嘅晚餐我會準備，唔使睇喇。」
Q：「啊，妳今晚竟然唔使返屋企交人可以同我哋一齊食？」唔使交人啫，返到去咪又俾人審。
V：「嗯，佢哋要去商務晚會唔得閒理我，嘻。」
A：「呀下，有錢女要請晒我哋呢度所有人食din咁開心呀？」搞乜…呢兩條友喺度不停交換骨頭。