為了實現媽媽遺願，我成為了女兒國唐僧: K715

V：「係呀，要多謝你哋嚟幫手吖嘛，點呀，係咪我請你就唔食先，係就早響，等我可以買少份唔使嘥嘢。」
A：「點會呢，我份人就最鍾意食有錢女…嘅軟飯，如果妳唔介意嘅話就最好喂埋我。」
V：「怕你呀，喂咪喂，驚你到時唔敢食咋。」
A：「真心驚，嗱，阿爽你幫我食一半先，然後先到我食，我驚呢個女仔落我毒，OK？」
Q’：「咪玩啦！都咁大個人…係咪想我夾埋班長佢困你入雜物房等你無飯食先安樂？」Helen唔喺度唯有靠Q姐治佢…
Z：「妳使唔使我哋幫手呀？訂咗位未？定係去幫手搦？」
V：「你哋繼續喺度練住先，好快就有得食，管家喺度安排緊㗎喇。」
A：「唓！原來又係使人幫…」呢個時候Q姐同埋YY一齊（目屈）實佢，團長先肯乖乖收口。
V：「差唔多喇，交叉仔陪我落去攞嘢啦。」
Q：「就你兩個？使唔使我哋幫手呀？」




V：「OK啦，呢條友咁大嚿，四肢發達，有佢就夠㗎喇，靚女們坐定定等食啦。」
於是乎我就不虞有詐跟住佢落樓，點知落咗半層佢就停咗喺中間位攬住我…要知道呢度係工廈唔係唐樓嚟，就算喺樓梯仍然燈火通明，唯有祈求佢哋乖乖地唔好出嚟。
呢個咁嘅情景，除咗YY之外邊個見到都死路一條。
我：「係咪團長窒住晒所以唔開心？我諗佢玩下嘅啫…」
V：「少少啦…我都知佢係喺度玩，但都唔可以咁樣蝦女仔㗎，一定係佢平時識埋好多靚女，所以先會對我哋幾個不為所動。」我就覺得似係妳哋太細個佢唔想衰十一多啲。
我：「佢咁嘅樣…要溝女容乜易喎，勸妳唔好太上心。」
V：「太可惡喇，計我話…只要我綁起佢然後騎喺佢上面，佢咪又係一樣硬晒，就好似你咁樣。」
我：「邊有女仔好似妳咁㗎，逆種付咩…」
V：「唔得咩，而家呢個年代個個都講男女平等㗎啦，剩係可以你哋玩女實在太唔公平喇，如果我想嘅話都希望可以有能力制服條仔，然後迫佢對我聽聽話話，就好似交叉仔你咁乖。」今勻真係仆街咯，原來佢覺得已經制服咗我所以就聽佢話…唔怪得我對住呢幾條女同做狗無乜分別啦，至於我喺Zilvia面前就一定狗都不如，因為彼拉多嘅地位點都比我高，話晒係總督嚟。
我：「妳想制服邊條仔係妳嘅自由，但都唔係咁樣摸我下面㗎…」佢真係乜Q都學晒QQ，無端端就伸手嚟隔住條褲把量我條海蔘，咁攪法乾蔘都變濕蔘啦…




V：「有乜所謂喎，我哋係friend嚟㗎嘛，你又咁惜我，唔會蝦我㗎嘛係咪？況且又唔係我迫你硬嘅。」
有硬食！無強姦！天下間係無女人強姦到男人嘅！