thriXt Qantasy 純文字安眠之作 (New: - U2K - 一直上架): K706

Q：「係囉！妳明知呢條友變態㗎嘛，重喺佢面前提。」
V：「咁…又係妳話…呢啲事情其實好平常，而且好開心添…」呢隻QQ點可以咁樣教壞幽蘭㗎。
Q：「唔同㗎，呢啲事情係同男朋友做，係我嘅愛人。」
V：「我知呀，但我要等到有愛人嘅時候…應該已經大學畢業嚕。」
Q：「咁都唔可以同佢講啲咁嘅嘢，呢個少女焚化爐嚟…」
我：「我係乜都好啦，總之妳哋喺我心目中就係女神，係仙女，絕對唔可以亂嚟，妳哋過得好就足夠。」
V：「唔通我就唔可以做一日普通女仔，然後學妳或者易汪咁曳曳下？其實搵返個好人咪得囉。」
Q：「哎呀，唔好再講嚟刺激呢條友喇，既然已經諗好咗個主題，我想返屋企搵下有乜材料啱使。」
V：「嗯，我都差唔多夠鐘上車，妳送埋我去啦。」
就係咁，佢兩個離開咗呢間陽氣極重嘅實驗室。你問我哋點解可以謦到咁多嘢？因為走咗去最角落嗰張實驗枱囉，而家就全世界都變晒野獸咁喺度仇視我，我錯囉。




講真嗰句我都重有少少擔心幽蘭，雖然佢而家日日見到QQ就成個人開心晒，但難保佢重有乜收埋喺心底；而佢對我…就佢鍾意啦，我淨係知道令佢少條汗毛都夠我死。
我：「咁快返到嚟嗱，幽蘭佢無嘢吖嘛？」
Q：「無乜嘅，但我都擔心佢…始終青春期呢啲問題…」
我：「妳都幾攪笑，講到自己唔係青春期咁。」
Q：「唔同㗎嘛，有啲嘢你試過之後理解咗，就唔會為咗佢煩惱太多，亦唔會太過執著，就好似你而家可以由得我咁樣喺度一樣，試問你重係處男喇喎…」
我：「妳估想要就要到㗎喇咩，如果妳反抗我點會夾硬嚟呢？」係囉，其實我都算係一個好人嚟。
Q：「係咯，反抗得一次又要反抗第二次，我都唔知抵抗得幾耐，唔攰死都煩死，重有你唔方唔會喂我飲啲好好味嘅Somersby囉。」點解妳要咁好記性呢…
我：「我都唔想㗎，妳咁靚女實在太吸引。」
Q：「我明喎，你估我又好想咩…不過我有男朋友喇，如果唔係嘅話你攪得我多可能我都會忍唔住。」
我：「呀…原來妳係呢啲女仔嚟㗎？」




Q：「唔知㗎，反正而家個狀況就唔係咁…雖然我係女仔嚟，但好奇心同需要都係有嘅，呢啲大家都明…」
我：「妳真係太過可愛豬。」我用手指㧻佢塊面。
Q：「哼，你唔好諗住讚下我就會畀你呀，呢個世界並唔係咁樣運行嘅。」佢嘟起個嘴。
我：「點運行都無所謂啦，只要喺度日日都見到妳開開心心就夠晒，嗰啲嘢…我打飛機得㗎喇。」
Q：「好叻咩，我夠打潛艇就得咯。」佢避開我嘅眼神。