thriXt Qantasy 純文字安眠之作 (New: - U2K - 一直上架): K705

V：「哈，妳做乜講到佢真係女主角咁。」
Q：「無辦法，因為件事嘅起因就係佢。」
V：「我都希望佢真係做到女主角…始終時間緊迫，如果進度趕唔上，可能唯有tune低佢條track嚟冚聲。」
我：「做乜咁無信心喎，妳哋唔係實有辦法嘅咩？」無咗幽蘭嘅帶領，我拍住興仔結果又輸一鋪…
V：「佢唔同我哋呀，擺到明就夾硬嚟，做到幾多咪得幾多囉，定係你個隨從諗到辦法幫佢呀？」
我：「佢話去開片都話幫下手吖，音樂嘢我唔掂㗎。」
V：「唔係呀，嗰日見你幫佢打cymbal打得幾好呀。」
Q：「唉，人哋大忙人嚟，又要照顧女女喇。」
我：「喂喂喂，乜嘢喎…到底想講乜先。」
Q：「講乜？有乜好講喎，你自己心知肚明啦。」




V：「係呀，天王星都話佢又有自來女，唔知攪乜鬼。」
我：「關乜嘢事呢，人哋係嚟黐下功課組啫，唔通say no咩，咁啱我哋班其他人都有晒組。」
Q：「講多無謂，就算人哋撩你上床都唔會say no㗎啦。」
我：「點可以拉埋嚟一齊講嘅呢，明明就係兩回事…」
V：「你唔啱咩？Luna…望落都幾靚女吖，你唔係食唔落呀？有無咁高要求…」天花板靚女讚其他女仔靚，實在係毫無道理，完全唔可以令人信服。
我：「一齊做功課啫，點解妳兩個可以諗晒去啲唔要得嘅地方度，咁嘅思想實在係不可取。」
Q：「就係因為嗰個人係你，關連到嘅全部係衰嘢嚟。」
V：「咪係囉，你唔係逢女都啱嘅咩，點解唔溝下？」
我：「溝…溝乜鬼喎。」妳兩個咪扮唔知得唔得，我無得溝女嘅原因就得一個咁大把。
V：「乜…妳有唔俾佢溝女咩？」喂…左女神發乜神經…




Q：「無喎，佢嘅事又唔關我嘅事，攬女都係咁啦。」
V：「呀，易汪呢排同佢行得有啲埋，可能驚激嬲人。」
我：「妳哋個姐妹係當我玩具咁玩，唔該分清楚先啦。」
Q：「玩下玩下就隨時上埋床，唔係正合你意咩？」
我：「嘩，乜妳咁樣睇妳姐妹都有嘅，唔係幾好噃。」
Q：「係因為我瞭解佢啫，對佢嚟講唔係無可能。」
V：「咁如果…佢兩個真係玩到上床妳又諗住點？」
Q：「無諗住點，玩得開心啲，唔好喺我面前表演就得。」點解咁似曾相識，好似發夢有類似嘅嘢。
我：「真係唔太好哩，唔係話我讕清高唔鍾意呢啲嘢，但以後重要成日見㗎，到時面阻阻點算呢？」
Q：「會咩，唔覺喎，你同細蚊而家有無面阻阻吖？」




V：「係囉，我就唔信你可以拒絕到呀，如果換轉係我撩你上床嘅話你認為有可能拒絕到咩？」
我：「幽…幽蘭妳點可以講啲…」