thriXt Qantasy 純文字安眠之作 (New: - U2K - 一直上架): K704

健：「No，如果係阿欣安排嘅我就同邊個女仔上床都得，如果唔係我對其他女仔無興趣。」呢條友實在係激死人，佢何德何能可以同個淫蕩姐姐性生活幸福美滿？
我：「你鍾意啦，你唔好用有女嚟搵我做藉口唔做功課塞晒畀我做就得。」
健：「乜我似係啲咁嘅人嚟咩…你唔係應該開心先啱咩，明明你不朽有女就撩嘅，露娜佢都幾靚女吖。」
我：「唔啦，要靚女身邊已經太多，攪唔撚掂…」
健：「唔似你喎，明明你之前同韻婷一齊溫書好開心。」
我：「可以咁講嘅…但唔好喇，你都知有食唔食係罪大惡極，我唔想再做罪人辛苦自己。」
健：「咁你咪食囉，無人用貞操帶札住你下面呀。」
我：「咪玩啦，我身邊幾多女仔昅住我呀，而且重要係同班同學嚟…」
健：「唔怕喎，反正你風評一向咁良好，再做多啲乜衰嘢都唔會有乜影響，班女神應該習慣晒。」
我：「個人感覺唔抵，回唔到本。」




健：「你唔係諗住唔撩女仔Queenie就會要你呀？勸你唔好咁大想頭，況且佢都唔會阻你食女啦，乜佢會介意咩？」呢條友實在越嚟越撩架打，再係咁落去遲早要絕交。
我：「總之唔太好啦，不過可能Flora都只係想free歪下啫，諗太多實屬無謂。」如果你話身邊剩係得QQ就問題不大，只要同佢有開放性共識就得，問題係另外三個女神同我都有啲奇奇怪怪嘅關係，我絕對唔可以玩衰呢個圈…
我：「話時話，韻婷佢哋而家點呀？」
健：「好似幾唔錯，但我諗你都唔會想聽㗎啦。」
我：「無嘢嘅，佢哋過得好係一件好事嚟。」
的確，我重邊有空閒諗咁多嘢吖，身邊太多女都唔知係好事定壞事嚟，有啲時候係好鬼爽嘅，但有時又會唔知自己想點，心情好矛盾，又唔到我控制，例如話咁快又到咗幽蘭捉我去一齊打橋牌嘅時間，係唔知點解QQ又過埋嚟。
其實我當然知，佢哋兩個要謦音樂日嘅服飾安排。
我有我打橋牌，其他會員當然唔介意有兩條靚女坐喺度畀佢哋昅，佢哋嘅存在就好似沙漠中嘅黑雨咁。
V：「不如定咗當日個顏色主題先，如果唔係好難諗。」
Q：「啱嘅，以我哋暫時嘅內容嚟講，我只諗到紅色到藍色，加埋當中嘅紫色，以鋼琴同小提琴做基調嘅演出我想象唔到啲黃黃綠綠嘅畫面。」




V：「又未必嘅，一部小提琴都夠拉四季出嚟，不過我同意我哋嘅旋律和諧色係紫藍色，大概就係偏藍嘅紫羅蘭咁，就算cover呢首歌嗰隊band都係藍色。」
Q：「好，咁就用藍色嚟做底色啦，亦都襯返女班長個社嘅顏色，如果有需要就用啲紫色嚟修飾。」