為了實現媽媽遺願，我成為了女兒國唐僧: K703

點知就落堂小息前發生咗一啲我同健仔都覺得意外嘅事。
F：「想問下暫時係咪得你兩個一組咋？」Well，其實一班入面就有好多人嘅，有啲可能成個月都唔會講到一句嘢，加上我俾班女神圍住又少咗好多自由度，所以啲唔多熟嘅就無謂介紹喇，呢度又唔係啲乜嘢幾年幾班百科全書嘅故仔，好多人物其實關我㞗事㗎咋。
不過既然人哋開到口就點都介紹下啦，女仔一個，姣閪三人眾入面嘅其中一人，並唔係首領嚟，得佢一個嚟咗讀ICT，平時會同其他班嘅姣閪坐；講真論姣閪程度YY應該有過之而無不及，不過只係一個分類嚟啫。
我：「都可以咁講，請問有乜可以幫到妳呢，Luna姐？」
F：「欸…你都係叫返我做Flora啦，既然你哋重有一個空位，介唔介意我過埋嚟。」Luna係佢中文名嘅音譯，一般而言係我哋啲仔對於佢暗地裡嘅稱呼，而Flora就大致上係有埋佢個姓個音。
我：「咁突然？重以為妳會同返佢哋女仔一組添。」
F：「本來諗住係㗎，但我哋啲嘢其實都唔多識，諗諗下好似拆開著數啲，加埋同一班平時比較易謦功課嘛。」
我：「妳講到咁，就即係…」明搵笨？定搵水魚？
F：「你唔使咁驚喎，我會做嘢㗎，唔係嚟free歪你哋。」
我：「咁…你覺得點呀？」我望住健仔。




健：「你話事啦，你係大佬，睇你頭。」你條契弟，明明已經同姐姐扑咗N加一咁多次，重係見到女就不負責任，我平時已經好唔得閒㗎啦，女班長又昅鬼住晒。
我：「既然如此…就暫定我哋三個一組啦，不過妳唔好太大期望呀，我都係只求有功課交㗎咋。」
F：「得啦，你哋幾時開工就同我講啦。」
奇形怪狀，不過我諗多個人多雙筷嘅啫，先生又無話過三人一組要做多啲嘢，就算佢肯打下字都叫幫到手。到食飯嗰陣，自然又同健仔謦下呢件事。
我：「又有女喇，啱唔啱心水呀？」
健：「咪攪我，所有女都係你嘅，唔關我事。」
我：「使唔使咁呀，你都唔係細路仔嚟啦，抱住欣姐喺大髀上面影相放閃光燈都做得出嘞，咪同人哋交流下囉。」
健：「就係因為我已經有咗阿欣，所以先唔會同其他女仔交流，你慢慢享受，唔好叫我做多啲功課。」
我：「唓，欣姐有話做你女朋友喇咩，使唔使咁呀？」
健：「唔重要吖，佢喺我身邊就得，我有佢就夠。」




我：「喂，話時話佢都唔介意你同其他女仔上床，你大可以識多條女呀，Flora佢姣姣地有你著數呀。」