為了實現媽媽遺願，我成為了女兒國唐僧: K660

Y：「重好講，呢度最過份嗰個就係妳，明明已經有仔重要一直咁受歡迎，實在令人髮指。」
U：「唉，三個女人，我唯有大嘆世風日下嚟表揚妳哋。」QQ講得無錯，呢堆真係八婆嚟，抱住個貞節牌坊都要一路講人是非先安樂。
健：「唔好誤會，就算開唔開心都好，佢都未係我女朋友嚟…妳哋唔使咁激動。」
U：「你好無癮呀，唔鬼理你，Queenie，我要問妳，出面傳妳同交叉仔惜過，係真定假㗎？」噗…妳個扮唔要仔嘅女神問啲咁嘅嘢嚟做乜？嚴格嚟講我哋都惜過啦…
Q：「做乜問埋啲咁嘅嘢？咪聽啲無聊人亂噏啦。」
U：「喂，一場姐妹係咪咁都唔講得先？唔係無聊人，妳哋個前財政都認咗佢惜咗妳個瘟神啦。」
Q：「欸欸，嘢唔可以亂講，雖然好明顯地社長係對我有啲意思，但我同佢係無任何關係嘅。」
U：「而家唔係講佢，係妳同佢有無惜惜，有定無？」
Q：「問題係呢啲場合…其實發生咗啲乜都唔應該講出去，至於有無惜，其實就唔重要嘅，只係個嘴掂咗一下咁大把算係乜，佢條友喺學校對面打茄輪都係咁啦。」
我：「係嘅，又唔係我條女，惜完又點。」




Y：「的確無特別，惜咪惜囉，零本錢派兵糧。」
Z：「嘩，原來咁都可以係零本錢…」
J：「慣咗又真係無乜特別，當然個對像要係正常。」
Y：「係呀，橫掂佢咁聽妳話，妳都可以試下。」
U：「黐線，佢係輸咗比我而唔係我隻兵，我今年可以明正言順老點佢，做乜要蝕底畀佢。」
Y：「又係嘅，話晒妳嗰個係初吻嚟，應該留下嘅。」
J：「佢聽日唔係要外借做妳隻兵咩？使唔使派糧？」
Y：「係都完工先啦，邊有人未做嘢就有糧出。」
U：「出咗先佢可能會更加好表現呢，當新人奬金。」
Y：「唉，我借返嚟㗎咋，惜下佢唔係問題，但佢都唔鍾意我嘅，可能人哋唔受呢。」




U：「有無啲咁嘅事，事主你係咪唔鍾意易汪？」
我：「妳哋唔好咁講啦，妳哋全部都係我嘅朋友嚟。」
J：「果然講廢話最叻，即係受啦，既然無所謂就派糧啦，我睇妳表演。」妳哋係咪和好咗㗎…
Y：「妳估派就派咩，驚佢主子唔開心咋。」
Q：「點會，唔好乜嘢仔都扯到同我有關咁，妳想同佢玩就請隨便，天花龍鳳都得，但唔好樂極生悲。」
J：「佢都無話妳係主子做乜咁快答，可能係Uranus呢，而家妳就等於默認咗嘞。」
U：「我諗咗零點一秒，就知道唔敢爭呢個位。」
Q：「是但啦，鬼叫我黑仔成日要同佢坐。」
U：「講返正題先，咁娘娘係咪要派糧喇？」