為了實現媽媽遺願，我成為了女兒國唐僧: K655

我：「妳開心就最好，因為大家都知妳百忙中抽空返嚟幫手，好驚妳會辛苦。」
V：「點會噃，返嚟學校就最開心…喂，你過嚟吖。」佢帶咗我去公屋底嘅一個凹位唔知想點。
我：「食屋邨妹嘢啫，都唔使學埋佢哋嗰種食法嘅…」隨時重會食完將啲膠袋周圍揼，再衰啲就連個口都唔封…
點知佢撲過嚟攬住咗我…重要實一實嗰隻，而我攞住三袋嘢就唯有拉開隻手避免整污糟佢。
我：「幽蘭妳無事吖嘛？唔會又唔開心…」
V：「唔係呀，我而家好開心喎。」
我：「咁妳做乜又攬住我…」
V：「你鍾意喺條街攬女，我就唔可以鍾意喺條街攬仔咩？」唉，攬咗細蚊一陣，結果全世界又喺度話我。
我：「可以…但女仔人家咁樣做好似唔係幾好。」
V：「而家你係咪性別歧視呀？！唔好唔記得當你攬住一個女仔嗰陣，就代表住個女仔同一時間攬緊你！」對於佢呢句嘢我其實唔太同意，因為攬呢個動作係有分主動同被動，唔通我插緊條女嗰陣就代表條女一定攞我條嘢塞入自己個閪窿度咩…Sor…太耐無做所以係有少少激動。




我：「係嘅…但我同妳又唔係嗰種關係。」
V：「我知呀，但問題係我除咗你之外，重有邊個男仔可以俾我毫無顧慮咁攬住喎。」的確係無嘅。
我：「不過我想講，我而家唔係特別鍾意喺條街攬女，只係咁啱撞返EX，咪諗住互相扶持下啫。」
V：「咁我唔係你EX，你係咪就唔可以扶持我喇？」
我：「唔係嘅，如果妳有需要我實幫妳嘅。」
佢抱抱下，然後一路望住我一路貼咗個嘴唇埋嚟…呢個動作點解咁似曾相識嘅？好似QQ都係會咁對我。
重要印下印下咁，呢個女仔點解可以咁唔怕醜？但生於佢嗰種家庭又好似無乜怕醜嘅可能性，由細到大都要參加比賽同出席各種場合。
我：「咁樣…好咩…」
V：「唔知，但幾好玩，好似搶咗佢哋條仔咁。」我心諗，妳以前學校啲女同學唔鍾意妳可能真係有啲莫明其妙嘅原因，但學校無仔又可以玩出乜花樣呢？
我：「咪玩啦，佢哋各自各有仔，點會係我。」




V：「雖然係咁，但係你咪又係聽晒佢哋話。」
我：「又唔可以咁講嘅。」我咪又係聽埋妳話。
唔知佢係玩完定曳完，我哋繼續行返學校。
V：「如果媱媱撩你上床嘅話你會點樣算？」
我：「妳唔好諗埋啲咁科幻嘅嘢啦，邊有咁多女仔主動送上門，重要係佢。」雖然暑假前就已經有一個咁大把。
V：「唔好以為我唔知，雖然佢對啲仔嘅態度好麻麻，但其實佢好玩得，如果唔係SU都唔會搵佢入閣啦。」
我：「或者啦，唔好攪著我就得。」