為了實現媽媽遺願，我成為了女兒國唐僧: K638

「哈哈！哈哈哈！」我都知你哋最鍾意將自己嘅快樂…
鄧：「好啦，就聽女班長話，罰你企五分鐘啦。」
我：「Miss，雖然我係比較天真無邪，但係妳都唔使當我小學生咁嘅，我係會唔好意思嘅。」
鄧：「欸，呢啲嘢就唔使怕醜嘅，難得你咁厚面皮，嗱，唔關我事㗎，多謝你啲好女同學啦。」
我：「唉，無計啦，鬼叫女班長有啲特殊癖好。」
Y：「人哋知你M底先嚟配合你咋。」
嘖，扭咪扭囉，只要我唔尷尬，尷尬嘅就係你哋！就算要我扭包皮都…唔係幾好嘅，除非叫啲女同學輪流幫我扭啦，好想睇下Zilvia面紅個樣。
Y：「Miss佢今日攪乜？個樣唔同晒嘅…」
Q：「女人係咁㗎啦，妳無理由唔知㗎，M完掛。」
V：「有無咁簡單？我嚟咗差唔多兩個月第一次見佢咁…我知喇，可能係擔心緊然後終於嚟M。」




Y：「有無得俾佢擔心先？可能擔心提早更年期咋。」
妳哋呢班女人…全部都係魔頭，靠張八達通就橫行霸道。
放咗學幽蘭同Zilvia就消失去打羽毛波，剩返其他女神，思韻，重有我同埋健仔。
U：「你條友唔係諗住喺度做功課唔幫手呀？」呢個女班長一面霸氣咁踩埋隻腳上我張凳度成個黑幫大家姐咁，我知妳隻腳好靚，亦都唔怕走光俾我睇到，但阿健重喺度㗎，嚇親人哋就唔係幾好。
我：「妳等我做埋先啦，陣間阻住Miss收工我會吃不完兜著走㗎，你哋嗰啲交晒我又無得攞嚟抄。」
Q：「低B，一早知你啦。」佢畀個電話螢幕我睇，原來佢頭先臨交前即刻影低咗份功課，咁當然唔係畀埋部電話我，而係send嚟我嗰部。
Y：「都唔知妳對佢咁好做乜，有回報咩？」
Q：「妳隻兵嚟㗎喎，點敢虧待佢呀，陣間佢主人咬我點算。」阿健聽到一頭霧水。
U：「唔好理佢啦，快啲嚟分返好啲盒先，唔錯得㗎。」
J：「妳哋一隻兵幾份用，都幾化算㗎喎…」叉埋一腳…




Q：「妳係咪啱，切緊隻髀去囉，不過要問易汪先。」
Y：「喂…我臨時借用㗎咋，唔好講到我同佢有親咁。」
雖然知道班八婆喺度調戲緊我，但呢種感覺又幾正。
我：「你今日唔使去打波咩？」
健：「好似好多人都要留低整壁報，佢哋幾個練跑算…係呢，其實我想問下，你返工嗰陣有乜嘢地方要注意㗎？」
我：「注意？要注意僱主有畀夠最低工資囉。」我擺明串佢同扮聽唔到嘅QQ，雖然唔知佢問嚟做乜Q。