係同屋失友?定係同居勿友?只想同妳做普通朋友…🤦🏻♂️: K636
啱嘅,屋企有個咁出色嘅細妹,俾著係我都唔想識女仔。
Q:「Byebye,多謝姐姐妳嘅晚餐,下次再見喇。」
妹:「下次再見,可能要等到佢哋結婚嚕。」
Q:「望就咁望啦!再見。」
食完豐盛嘅晚餐,唔經唔覺時間已經嚟到八點,即係又到咗UNY超市開始特價嘅時候;橫掂一場嚟到咪買下餸囉,而呢度係老人邨無咁易撞到同學,QQ好快又拖返住我隻手。應該話就算俾人撞到佢亦唔會覺得有乜大不了,況且全校一直盛傳我哋惜惜過佢咪又係面不改容咁返學。
我:「嗯…牛仔骨特價,但係好似又無乜肉。」買過特價餸嘅都知乜事,剩返嘅一定係最唔靚仔嗰幾包。
Q:「無乜肉唔係啱晒你咩,你咁鍾意骨感。」
我:「女神點解咁講,妳係咪有啲弦外之音?」
Q:「見到你同埋細蚊咁sweet,就知你鍾意騎小隻馬啦。」女神求妳唔好再睇AV,學埋晒啲無用嘅字。
我:「乜妳嗰個位見到我哋嘅咩…」
Q:「我有手有腳識自己行㗎,都唔知你係咪專登匿喺個死位度偷情。」
我:「邊係偷情,只係關心一下前任,畀啲溫暖佢。」
Q:「知喇,就嚟注射埋啲溫暖入去,又唔見你關心我…」
我:「點會唔關心妳呢,日日都關心。」我一嘢嘴埋去。
Q:「食屎啦你…」講完就捹開我隻手行開咗。
我:「行咁快做乜喎,Queenie…」
Q:「唔好食牛仔骨喇,食呢個啦,等你嫌三嫌四。」
我:「平兩蚊咋喎。」係一包榮鈦行嘅奶王包。
Q:「咪咁多聲氣,而家係我要你食乜你就要食乜。」
你話吖,啲港女實在係夠晒霸道,又唔見妳畀對真奶王包我食喎,就算得兩粒包蒂吮下都好吖。
呢排實在係十分忙碌,返屋企洗完白白之後我哋都即刻瞓咗,然後瞓醒又要返學,一朝早又出現咗啲多事情。
易:「早晨阿爽,你今朝好似特別精神爽利咁喎!」好日都唔會同我打招呼,有朋自遠方來一定非奸即盜。
我:「早晨,迴光返照咋…重係好眼瞓。」
易:「唔通…琴晚做得太多運動精氣盡失?放咗學又見到你喺學校對面馬路攬女喎,好耐無見過,認真威威!」
我:「哦,咁啱撞到EX,敍下舊啫,無發生你想象中嘅事情。」我禮貌又唔尷尬咁輕輕帶過。
講真,既然全部女神都係我嘅人重有乜好擔心呢,除非我想食其他姣閪啫,不過暫時就無呢個打算。
V:「嘩,敍舊呢,真係令人羨慕又妒忌呀!」
我:「真係無特別…撞到咪謦多幾句,再見亦是朋友咁…」
V:「無話你特別呀,我模擬某人嘅內心感受咋嘛。」
Q:「無感受喎,呢條仔係女都啱嘅,妳小心啲呀。」