為了實現媽媽遺願，我成為了女兒國唐僧: K628

落到去條友重喺度，我就決定去斜角對面馬路坐喺花槽上面捕住佢，而QQ就上咗最近巴士站嗰棟公屋三四樓嘅後樓梯，只要企起身就可以望到乜環境。
雖然有啲悶…但以前嘅我成日咁樣通街坐所以乜都慣晒，有時啲唔熟嘅同校生經過都唔會理我。
蚊：「點解你坐咗喺呢度嘅？」我俾佢嚇咗一嚇。
我：「乜咁啱呀，細蚊…」
蚊：「乜嘢咁啱喎，我日日放學都經過呢度㗎啦，重以為你係專登嚟搵我添…」佢望住我扁嘴。
我：「其實…我係嚟跟踪對面馬路個男人，學校門口側邊企到成轆木嗰個。」對住ex有話直說就得。
蚊：「吓…你唔係要去冧友呀？我唔想去探你監呀…」原來我身為一個卑微嘅ex，入冊嘅話重有人會探我。
我：「咪傻啦，我愛好和平，想睇下條友係乜料咋…佢個樣成個人畜無害咁，但竟然俾我發現佢一腳踏兩船。」
蚊：「唓，你不朽講到條條仔都係咁，有乜特別喎。」
我：「無嘅…因為關乎某個女人嘅福祉，咪八下囉。」


蚊：「佢唔會就係女神條仔嚟呀…」
我：「點會喎，佢條仔應該無咁薯，而且細好多。」
蚊：「是但啦，不過既然你要做間諜我就嚟幫下你。」間諜…乜係咁形容嘅咩，會唔會叫特務或者偵探好啲？
我：「妳可以點幫我…不如快啲返屋企重好啦。」
蚊：「有我喺度，條街啲人就唔會覺得你奇怪，無人知你做緊壞事。」然後佢就撓住我手挨埋嚟，著住校服…
究竟，乜嘢先叫喺條街做緊壞事，有啲難以理解。
我：「我想講呢，QQ係喺附近，佢有機會見到我哋…」
蚊：「嘩，好刺激呀，咁就更加要肉緊啲…」佢將我隻手放咗喺佢兩隻大髀中間，啱啱膝頭對上。
而家個場景，我換咗便服，就同以前細蚊上嚟我屋企扑完嘢又走返落街玩一樣，而我就係一個周街攬女嘅死街童…
我：「雖然我同佢只係朋友，但咁樣為乜呢…」


蚊：「你有無睇占士邦㗎，間諜身邊通常都有好多靚女，而且會為咗個主角勾心鬥角，再發生好多情慾橋段。」唉，讀書又唔見妳咁認真…雖然我無資格話妳就係。
我：「我只係一個好普通嘅男仔，及唔上007嘅百份之一，即係零點零七都無，攞嚟用又嫌太厚。」
蚊：「傻豬嚟嘅，我幾可有迫你用過喎。」佢嘴咗埋嚟。
我：「細蚊，唔好咁啦…驚妳唔開心。」
蚊：「你係驚我唔開心吖，定係驚QQ睇到呷醋呀？」
我：「呵…如果佢睇到會呷醋我唔方唔開心咯，我又唔係佢邊個，邊有得驚吖，所以係擔心妳。」
蚊：「擔心有乜用喎，鬼叫我生得唔係靚女又無身材，想搵多個男仔理下我都無，所以你得閒嗰陣會理下我已經好開心，根本就唔會介意你點對我。」