為了實現媽媽遺願，我成為了女兒國唐僧: K623

A：「算妳啦，同我講話要幫堆靚女手…總算合格，如果唔係妳賣埋身都唔理妳呀，妳重要有仔添。」
我：「你等到佢無仔嘅話非常歡迎你搵佢賣身。」
A：「呀，小兄弟你果然識玩呀下…」
Y：「咪亂講嘢啦，佢哋唔係個個玩得㗎，求下你唔好嚇親佢哋，睇下好喇，我負責唔起。」
A：「邊個玩得，邊個唔玩得，我又點會唔知…係咪呀下，阿爽？」呢啲先係真正嘅不羈…
我：「團長大人，你就咪問呢啲問題嚟玩我啦。」
A：「小心看住條仔呀，陣間俾好姐妹搶咗唔好喊。」
Y：「呵，未必嘅，可能係我搶走人哋條仔呢。」
我：「咁嘅話就唔該妳換返條女嚟畀我填數唔該。」
A：「哈哈，真係服咗你哋，學埋晒奧丁啲衰嘢。」




寒暄幾句之後，就係時間結案陳詞。
A：「咁今日就嚟到呢度先啦，暫時無嘢做到住，妳哋返去就各自準備，份譜我大概要兩日先出到，到時就再約你哋，時間地點未定，應該就唔會喺返學校。」
U：「唔好意思…我哋今個禮拜重要整壁報。」
A：「真係好嘢，話好趕嗰個又係妳，今個禮拜要整壁報，咁就無咗幾日，下個禮拜會唔會係陸運會？」
U：「對唔住…整埋壁報之後就無乜活動，今個星期六可以完工。」少見天王星對其他男仔咁恭敬。
A：「嗱，妳講㗎，到時唔好話唔得閒，如果唔係妳有幾多個好姐妹都無可能救到妳…咁…媱媱，我哋再去謦下嚟緊嘅安排先，順便去happy下。」團長一路講一路搭落YY膊頭上面，但係又要望住我。
Y：「咪亂噏啦，請你食din㗎咋，唔好亂諗。」
A：「食軟飯已經夠晒happy啦，咁我哋行先喇，幾位女神下次再見啦。」講完就攬住條女走。
Y：「咪黐身黐勢啦，呢度學校嚟㗎。」
A：「怕乜…罰妳又唔係罰我，出到去咪唔係學校嚟囉。」呢個團長…擺明要玩㞗我落我面，不過是撚爛但啦…




Q：「呵，娘娘俾人撬走咗，唔知閣下有乜感想呢？」
V：「無所謂啦，真嗰個娘娘喺度咪得囉。」我頭痛了…
Q：「咪亂扣我帽子，呢隻嘢對得多會眼冤，送畀妳。」
V：「啊，我OK㗎，可以逆來順受，聽我話就得。」
Q：「呢個年頭，妳不如問埋Uranus批唔批准先。」
U：「妳哋覺得，團長係咪真係可以幫到我哋。」天王星好明顯就懶得參加佢哋呢啲煮我飯仔遊戲。
Q：「鬼叫我哋無人識咩，有個人問下總好過無嘅。」
V：「雖然唔知佢有幾多料，但感覺上佢講嘅嘢都合理，除咗小部份時間個樣唔太認真之外。」