為了實現媽媽遺願，我成為了女兒國唐僧: K624

Z：「嗯，我都覺得佢信得過。」一般嚟講，但凡關於仔嘅嘢佢都好少發言，所以我哋一齊望住佢。
U：「佢係咪喂咗迷湯妳飲？定真係太過靚仔？」
Z：「無呀…可能有少少關係嘅…」
V：「哎吔，陰功喇，Zilvia要大個女喇，Uranus無人陪妳。」
Q：「邊係，佢同阿爽玩得不知幾開心。」
V：「唔使驚，頭先團長個個都唔揀剩係揀妳，或者妳可以收佢做妳隻兵。」人哋擺明唔想對住有錢人。
Z：「佢呢啲男仔…又有乜可能會做人隻兵喎…」
Q：「即係如果佢肯做妳隻兵妳就會收？」
Z：「嗯…都可以…考慮一下嘅…但真係要聽晒話先得。」
V：「死喇，Zilvia妳變喇！」有時覺得幽蘭唔知點…




Z：「都係唔得，除非有妳哋陪我啦！」
U：「原來收兵都要有人陪，哈…哈哈…」
我：「幾位女神，小弟放學先，唔打攪幾位嘅雅興…」雖然同佢哋係熟，但每次佢哋一開女兒國會議嗰陣我都係無可能攝到入去，橫掂上面橋牌檔都應該已經散晒水，我就梗係把握時機返屋企好好休息，呀唔係…要貼貼紙。
等咗十零分鐘QQ就返到嚟，我實在係忍唔住喇。
Q：「喂…你攪乜…」我黐黐下嘢突然彈起身啄佢嘴一下。
我：「俾易汪調戲完心理唔平衡，所以咪咁囉。」
Q：「係咪見到娘娘俾人拖走咗心理唔平衡咋？」
我：「無啲咁嘅事，我覺得佢只會帶嚟麻煩。」
Q：「咪成日歧視佢啦，你睇下人哋喺出面識到啲幾優質嘅男仔先得㗎，我都識唔到呀…不過實在係估唔到Zilvia會咁樣，本來以為佢會好驚兼唔開心，但實際上又無乜嘢，雖然唔知團長對佢做咗啲乜。」
我：「吓…妳做乜講到佢好似俾人非禮完咁嘅？」




Q：「係喎…你唔知道，不過你都係唔知道好啲。」
我：「唓，你都識講人哋咁靚仔，Zilvia再驚仔都唔會太過反抗啦，唔通妳搵個靚女強姦我，我要硬起來打走佢咩…於心不忍吖嘛。」講真如果下面硬到重點忍喎。
我認我臨界點好低，到而家我重有時幻想韻婷強姦我…
Q：「你，算吧啦，如果易汪要你同佢上床，你做成世鴨都得㗎喇。」現實上可能差唔多荒謬。
我：「黐線，我點會食妳啲姐妹喎，先唔同佢玩。」
Q：「咁唔好理我，當唔識我，有個咁嘅女仔約你上床你重有得say no咩？」
我：「大佬…咁個個男仔都想同多個靚女做㗎啦，不過都要諗下先，易汪呢啲咁難服侍，成世做鴨真係頂唔順。」
Q：「咁炮友好未？推推下你咪又係繳械，唔好話易汪，就算天王星推你落床都肯定你受晒。」