為了實現媽媽遺願，我成為了女兒國唐僧: K622

Y：「過埋呢關先算啦…想要乜呀仆街仔？」
我：「我掛住妳啲陰毛…想睇。」佢對我露咗一個emoji式嘅微笑，然後我秒懂，跟住就乖乖跟住佢行。
Q：「妳小心啲呀，條友好鹹濕㗎。」
Y：「咁妳又俾佢成日黐喺妳隔籬？唔通妳都好鹹濕？」
Q：「呢度人少少我無乜必要辯護嘅，但我想講鹹濕都要睇對像，唔通呢隻嘢啱妳呢個姣婆口味？」
Y：「我為咗保持形象咋…妳係咪有其他仔俾我揀吖？如果妳同男班長關係好啲我都可以考慮借佢嚟一用嘅。」
Q：「重好講…人哋最唔妥嗰個就係妳，明明妳上年已經有仔重玩咗佢成個月。」
Y：「好笑，我對呢啲仔無興趣，剩係識得見靚女就撲埋去，唔玩下佢重可以點。」
Q：「好笑，天下間有邊條仔唔係見到靚女就想撲埋去喎…唔信妳問下後面呢隻嘢，如果佢對妳唔規矩嘅話學Uranus咁打扁佢就得。」
Y：「呵，我唔係暴力女嚟囉，打扁佢我驚妳心痛咋。」




Q：「可能係調返轉心涼呢，有人幫我制裁下條麻煩友。」事實擺在眼前，當初唔妥佢哋絕對係正解…
我：「其實我重喺度㗎，兩位女神大人…」
Q，Y：「收嗲啦。」妳兩條好姐妹真係…
話咁快就行到禮堂，我又要好好詮釋一下何謂一個帶點不羈實質為男朋友嘅一隻兵…QQ首先對班好姐妹露出一個意味不明嘅笑容，而YY就同團長打咗個眼色。
Y：「我帶咗位同學仔嚟幫手喇。」YY喺我後面雙手搭落我膊頭講，QQ迅速黐返埋佢哋幾個度，幽蘭偷偷暗笑，而團長就打量咗一下我，思考兩秒。
A：「非常好呀…今次邀請你嚟呢，係想你幫手去操作一下呢部mixer嘅，我諗你同佢哋幾個梗係好friend㗎嘞…」
於是乎團長就喺度同佢哋解釋乜嘢係舞台控制技巧，要點樣set咪同控制音量平衡，話佢哋本身唔係夾開band，就更加要喺呢啲細節上面贏人…一大堆我無乜興趣嘅嘢。
我望住部mixer，上面有好多QQ部keyboard上面啲轉轉，不過呢度係有上百粒instead of十粒八粒，我都明男仔係對器材會比較熱衷，但音樂嘢我真係識條鐵咩。
隔咗陣，班女開始喺度自我研討，YY同團長喺度溝通緊，自然地我又黐返埋去YY身邊。
Y：「今次好彩有你嚟幫手，如果唔係真係唔知點算。」