係同屋失友?定係同居勿友?只想同妳做普通朋友…🤦🏻♂️: K621
Y:「唉,我知你唔多妥我平時成日串你,對唔住囉,但今次真係想你幫幫手,唔該。」呢啲場景罕見到吖…
我:「即係要我幫手唔係大問題,但我點識做妳隻兵。」
Y:「好簡單㗎咋,妳平時點對佢就點對我就得。」
Q:「咪亂噏啦,我同佢只係好平常嘅隔籬位同學。」
我:「平時?我會成日偷偷地彈佢Bra帶㗎喎…吖!」
Q:「你試下再亂講!信唔信我扭甩你粒卡介苗?!」
我:「信!信!知錯…唔敢亂講…」
Y:「欸,就係咁樣,好似而家咁樣就得,一百分。」
Q:「妖,咁嘅仆街仔真係你要埋佢,唔想對住。」
我:「咁…我就扮住佢隻兵先,妳無意見吖嘛?」
Q:「你問我嚟做乜,又唔關我事嘅,快啲嗌娘娘啦!」
Y:「咁…我brief下佢先。」然後佢拉咗我埋去一二邊。
我:「女帝大人,妳哋無端端殺上嚟搵我攪乜鬼?」
Y:「我今次大檸樂喇…我叫咗團長嚟學校幫我哋手。」
我:「吓…搞邊科呀,佢點會無端端入到嚟嘅?」
Y:「人哋係出面管弦樂團幹事嚟,我同先生講咗咪幫佢登記訪校當係活動交流囉,總之你明而家幾大鑊啦。」
我:「咁妳重嚟搵我做乜,唔係應該叫我快啲返屋企?」
Y:「問題係…我哋幾個女仔夾band點會關你事,但係團長無端端話要搵條仔幫手…我總無可能由得QQ帶住我條仔上嚟做幫手㗎?」
我:「點會無可能,豬會反肚,人會變節,我識換畫。」
Y:「真係唔屌你係唔撚得,就算當QQ真係搶咗我條仔,咁重會唔會同我一齊夾band?重要厚面皮到拖住你嚟幫手?」因為現實太唔現實,我已經唔太識分乜叫合理。
我:「咪當…妳兩姐妹friend到可以共用條仔囉。」
Y:「含撚啦你,想發夢唔該及早投胎…你好快啲同我醒醒定定呀。」完全唔明妳兩個含撚專家有乜資格叫我含…
我:「但在公在私,我有乜可能喺學校飾演妳條仔?」
Y:「所以咪叫你做我隻兵囉,女仔嗰邊…佢哋應該會明嘅,而我會同團長講我哋係地下情緊。」
我:「但明明人設就唔啱,又話我同妳唔係同一間中學?而且重要喺熱狗店識?」
Y:「好彩上次無講邊度讀書咋,呢啲嘢講故就唔好駁故…喺學校個個都係著住校服,你呢件都尚算見得人嘅,重有盡量唔好攞部電話出嚟唔該。」
我:「好歹我都唔可以失禮QQ㗎嘛,同埋我咪已經換咗電話殼囉,妳都見到嘅。」
Y:「唉,真係同你講嚟都嘥氣,換埋個腦佢啦好心。」
我:「咁我幫完妳之後會唔會有著數畀返我㗎?」
Y:「屌,我家陣煩到傻你走嚟同我講啲咁嘅嘢?而家我係老細定你係老細呀?」梗係我腦細…
我:「妳係老細,所以妳要出糧畀我。」