thriXt Qantasy 純文字安眠之作 (New: - U2K - 一直上架): K606

我：「哎，我咪就係為咗提高妳怒氣值囉…一陣有得慢慢打，不如而家留力先啦，同埋我想講妳用錯手呀，係咪唔記得咗隻左手借咗畀我用，應該要用右手打我？」
U：「放心，一陣我實會用我隻右手打到你跌落地。」
我：「無所謂啦，我頂得住嘅…不過妳隻左手真係好靚，上臂啲肌肉一樣咁發達，可唔可以谷起嚟睇下？」本來格住嘅手，我一嘢反手又捉住佢手臂嚟玩。
U：「吓…唔好啦…女仔咁樣邊係好睇。」
我：「我覺得好睇嘛，妳成日做運動都係想有優美線條啫，大隻嘅女仔都有另一種靚㗎。」
U：「咁，我係咁意谷下啦。」佢嘅係咁意…已經秒殺咗大部份男仔，而我就梗係勿失良機攝高佢衫袖嚟玩下佢上臂，呢種緊密嘅肌肉感…連我自己都覺得有啲變態。
關於我嘅喜好其實QQ知得最清楚，亦一直話我黐線，因為我其實無乜固定喜好，而係鍾意女性身體呢種system，所以貧乳妹我一樣會睇，重會諗起細蚊。
我：「如果可以馴服妳呢啲咁強勢嘅女仔，簡直就係白金級成就解鎖。」我一路用食指㩒佢二頭肌。
U：「唔好諗啲無謂嘢啦，我唔啱你㗎…」
我：「我知呀，但短期而言會好過癮同埋刺激。」


U：「我唔係你…唔想玩，想認真同個鍾意嘅男仔一齊。」
我：「差唔多啫，我都想認真同個鍾意嘅女仔玩…」
佢谷咗一陣，然後我攞返佢隻手落嚟，將佢嘅手掌放入我髀罅中間，貼住我隻可愛嘅小雞雞夾住。
U：「你…又攪乜撚嘢？」今次無面紅，又稱唔上嬲樣。
我：「妳話借隻左手畀我，我當然要好好利用下。」
U：「你會唔會覺得自己有啲唔正常？」
我：「唔正常呀…我認嘅，不過唔緊要啦，既然妳都鍾意閹我隻青蛙，我諗妳都唔會介意我咁樣用妳隻手。」
U：「你信唔信我手指公用力，就可以令你隻青蛙一命嗚呼？」
我：「上天有好生之德，妳唔捨得嘅，睇下，青蛙郁呀！請好好珍惜生命，愛護小動物。」
U：「對住你真係會頭痛死…點解你可以咁變態？」


我：「邊有變態，如果我真係變態隻青蛙就已經變咗大蛇啦。」琴日俾QQ清咗倉，所以今日嘅慾望無咁高漲。
U：「雖然我接受能力好高，但都建議你對住我嗰陣可以正常啲嘅，好唔好？」
我：「如果…我表現得太正常，妳對我有意咁點算？」
U：「哈哈…呢個你真係唔使諗多，雖然我未至於討厭你或者驚咗你，但…我想象唔到有可能性，不過我想問下你，其實對住Queenie嗰陣你會唔會咁唔正經？我唔覺得你咁樣佢有機會鍾意你囉。」
呢個時候我抽返佢隻手出嚟鬆開埋，嘆咗一口氣。