係同屋失友？定係同居勿友？只想同妳做普通朋友…🤦🏻‍♂️: K605

U：「食屎啦你，我話借隻左手畀你過下手癮咋，無其他意思，你唔好諗咗去錯嗰方面唔該。」
我：「知喇，但我想問下點解係左手嘅？」
U：「哦，無㗎，如果你過份得滯我咪重有隻右手去打你囉，始終右手大力啲。」一早知妳呢個暴力女…
我：「妳…鍾意啦，我都俾妳打慣。」
U：「係嘞，你頭先始終都叫非禮咗我，我諗…合情合理我係應該要報返仇。」妳個妹妹仔有無咁小學雞？
我：「妳…想非禮返我？咁我…唯有逆來順受囉。」
U：「你唔好咁得戚，我要閹返你。」
我：「咪玩啦，我俾妳閹一下夠學識葵花寶典㗎喇…」
U：「幫你變成東方不敗，實在係惠澤千千萬萬無知嘅細路女呀！」妳係咪講緊自己先。
我：「咁妳唔係無知就得啦，求放我小雞雞一條生路。」




U：「放心啦，好似小學啲男仔玩咁係咁意閹一下啫，唔會絕後㗎，想試下係乜感覺…喂，你做乜嘢呀？」不如試埋破處好無？
我：「玩閹要做全套㗎，嚟場包剪揼先啦，今鋪我出揼，包唔講大話，妳記住唔好出錯呀。」
U：「OK，咁就包剪包…啊唏！」
我：「嘩呀！」我計過應該包落隻雞度傷害係最細嘅，所以我先會出揼…雖然我知佢已經收到好細力，但係攻擊值仍然比QQ平時玩玩下嘅略勝一籌，總之…我死唔去。
U：「哈哈，好似打咗落隻青蛙度咁！」
我：「乜妳有打過青蛙咩？雖然我覺得妳咁形容係OK…」
U：「無呀…想象中，腍腍地，濕濕地，有層皮咁吖嘛，原來手感都唔錯，可以考慮攞嚟鏈下減壓。」
我：「見妳鍾意不如嚟多鋪，今鋪我出剪嘅。」
U：「哦，好呀，咁就包剪揼…」
你估下我今鋪重會唔會咁乖俾佢贏？而佢又真係不虞有詐信到我十足十出揼，而我今鋪出包…佢望到自己輸咗先係呆咗一呆，然後斗膽嘅我就…




U：「嘩！你…你！做乜撚嘢？！」
我：「女仔無得閹，所以唯有用揸波嚟找數。」其實邊係揸吖，我只係用包嘅手勢用手指係佢波嘅外圍吸咗一下。
U：「作死你呀！邊個俾你咁做呀？」
我：「無㗎，不過妳咁崇尚公平對決，妳輸咗我無理由放過妳㗎，咁先可以等妳體驗到玩閹嘅真正奧妙。」
U：「咁…係你講大話呃我咋嘛！」
我：「無喎，今鋪我又無講包唔講大話，所以係無問題嘅，同埋係我手口協調有問題自己出錯咋，無心呃妳…喂…妳唔好乜都用武力解決得唔得？」佢想一嘢揼落我大髀俾我用手截停咗，兩隻手腕又喺度格住。
U：「對住你呢啲無賴係唔可以用文鬥嘅…唯有打扁…」