為了實現媽媽遺願，我成為了女兒國唐僧: K607

我：「你唔係認為…我對住佢認真啲就會有可能呀？」
U：「的確無乜可能，先唔計佢本身有無男朋友。」
我：「咁咪係囉，所以…不如我㞗下㞗下咁重好啦，如果得啖笑佢又肯繼續出現喺我身邊，做到朋友已經好滿足㗎喇，萬一我認真追佢而佢又唔想嘅話，咪盞畀壓力佢同大家尷尬，到時真係唔知可以點相處落去。」當然，呢個答案係假設咗我同QQ只係保持住同學關係，而由於亂打亂撞我哋住埋一齊，變數多咗好多，我諗就連QQ都講唔清我同佢而家究竟係點。
U：「呢啲你鍾意啦，又唔關我事嘅…不過對住我就最好唔好太過份啦，我無Queenie佢咁玩得。」
我：「唔覺喎，妳甚至會主動撩男仔打架。」
U：「喂，唔係打架，係用技術嚟收拾你，而且呢啲唔係玩，是好認真的。」
我：「妳認為係點咪點囉，不過我係有可能誤解咗以為妳好想同我玩㗎嘛，等我幫妳唔好死咕咕笑多啲。」
U：「先唔想同你玩埋晒啲變態遊戲呀…你又攞起我隻手想做乜？個樣古古怪怪咁…」
我：「哦，幫妳睇下掌紋吖嘛，想知妳呢個咁硬頸嘅女仔會唔會其實係無感情線嘅呢？等我捽下先。」
U：「屌你，真係唔打你唔得㗎喎，唔係硬頸囉好唔好，呢啲係叫認真。」佢個樣實在夠晒自信。




我：「係嘅，同我龜頸比較一下又的確唔可以叫做硬嘅…」我又拖咗佢隻手埋去我褲襠上面，結果又俾佢順理成章咁閹咗一下。
對唔住QQ…我知道自己有啲對唔住妳，但係有個咁嘅女仔喺隔籬實在係好難忍得住唔同佢玩。
雖然我永遠無得做攻擊嗰個，但咁樣同佢認真打下都唔錯嘅，可以訓練返啲反應同實淨啲，唔似得以前打爛仔架淨係講個狠字。而每次打完都有佢換衫嘅福利時間…我相信佢一定係懶所以先會直接喺度喺我面前換，唔知會唔會有其他意思呢？係咪因為我讚過所以就繼續喺我面前示威呢，雖然我真心覺得好正。
U：「喂，din唔din呀？」
我：「吓？我唔係好癲啫…」如果癲一早姦咗妳啦，定係佢想問我佢喺我面前換衫癲唔癲？唔癲，請再癲啲！
U：「乜呀，問你一唔一齊晚飯呀。」
我：「啊，妳又無飯食呀，唔使理細妹嚕咩？」
U：「屋企人啱啱落咗樓下餐廳，問使唔使幫我嗌埋。」
我：「咁妳重唔趕過去？唔使帶埋我去見家長喇…」
U：「我嘅意思係唔太想趕過去，如果你同我食我就同佢哋講唔使預我。」




我：「做乜咁曳呀，妳終於到咗反叛期嗱？」
U：「乜呀，有時想自己食乜就食乜都有錯咩？」
我：「無，咁一齊食囉。」橫掂QQ而家都唔知做緊乜。