為了實現媽媽遺願，我成為了女兒國唐僧: K604

U：「我教你老鼠呀！而家就等我嚟收拾你條友。」
我：「嘩…嘩呀呀，女帝饒命！」佢好大力咁扭我耳仔，就算小學啲先生扭我都無咁大力，痛到我喺求饒過程要用雙手鏈返佢大髀嚟平衡返。
U：「乜你成日同Queenie佢一齊溫書嘅咩？」
死火，一時唔覺意講咗出嚟添…好彩唔係一齊食飯。
我：「咁我成績唔好吖嘛，咪偷偷哋哀佢教我做功課同溫書，佢間唔中會帶我去自修室教我咁。」
U：「唔怪之得你咁聽佢話，成績又好過以前啦。」
我：「嗯，不過妳唔好同佢講返呀，佢應該唔想其他人知道佢會對我咁好。」
U：「先唔會，就算你兩個玩到上床都唔關我事。」
我：「咪講笑，呢啲嘢只會出現喺幻想之中，現實是…」
U：「見你咁陰功，借隻左手畀你用下嘞。」




我：「吓？！手？我可以點用呀…」
U：「你想點用咪點用囉，唔好整痛我就得。」
我：「要搞清楚一點先，手…係手掌，定手臂？定…」
U：「成隻手啦，使乜咁煩呀…」
我：「咁我唔客氣㗎喇喎，妳係咪肯定唔介意先？」
U：「嘖，同你交手嗰陣夠成日掂到啦，有乜特別。」
如果QQ同YY嗰啲叫開放，眼前呢個女仔就應該叫做豪氣，或者我忍到死嗰陣求佢幫我J都得，橫又係死掂又係死…於是我又用右手一嘢十指緊扣佢隻左手。
我：「嘻嘻，好似妳呢啲咁惡嘅女仔有邊個男仔會想拖住喎，就等我抵諗啲益下妳啦。」
U：「對住你呢啲粉腸就梗係惡㗎啦，我根本就無俾你拖住嘅需要…你唔好諗歪呀…我只係滿足一下你嘅需要。」
呢個女仔…我早就捉到佢嘅套路，你玩佢整蠱佢唔會刺激到佢，而係要讕係認真咁…佢就會開始面紅，彷彿由呢個惡死到爆嘅神樂千鶴變成小妹妹坂崎由莉咁。




我：「其實拖住妳，就會有錯覺…妳係我個女朋友。」
U：「無啲咁嘅事…得隻手…㗎咋。」佢縮開咗啲眼神。
我：「如果唔係有茜旎喺度，我又點會忍得住放過眼前呢個咁出色嘅女仔。」我轉一轉個角度哄埋去，迫佢望返住我，然後越嚟越近…近到鼻都開始貼埋。
同QQYY玩可以無乜底線，但佢唔係…如果我惜埋落去嘅話，一係我會俾佢打餐死，一係我就要長時間照顧呢個小妹妹嘅心理需要…係嘅，喺女神黨之中佢的確係最細。
我：「呀！好尷尬呀！頂唔順喇！」我即刻縮手兼擰歪面扮嘢…其實，呢啲小兒科我本來就視如無物。
U：「屌，你又玩乜撚嘢呀，低B…」佢塊面紅晒…
我：「無呀，咁無女吖嘛…咪想玩下詐假意拍拖遊戲…但…真係頂唔順，重大壓力過同個三唔識七嘅女仔上床。」