thriXt Qantasy 純文字安眠之作 (New: - U2K - 一直上架): K588

雖然我重係一個鍾意同交叉仔睇Minions嘅細路女，但呢啲戲我又點會睇唔明，日本嘅女人總係有一種獨特嘅味道，如果唔係屋企部腦點會裝滿日系嘅愛情動作片。
但最估唔到，原來自己父親先係呢方面嘅先驅；誠然我本身就唔會話厭惡交叉仔成日睇埋啲咁嘅嘢，但到咗而家好似又更加理解佢，想食啲好味嘅嘢確實係人之常情，而望梅止渴又真係好似解決到問題，就正如佢晚晚望住我，然後唔知幾時排出體內啲垃圾咁…嘻，正一傻仔嚟。
睇住螢幕上面嘅女主角，我相信自己就算喺六本木都可以搵到好生活，因為只要有能力，無論喺邊都可以獲得其他人嘅尊重，但交叉仔實在太衰！我邊使做雞喎！我喎？！
如果我做雞，一定個個都可以幫襯我係你唔得，重要你係側邊有得睇無得食打飛機，哼！
大概四點零左右我哋就出發行去秋葉原，等我體驗下呢條所謂唔使廿分鐘嘅路，沿住民宅內街，行到出大馬路，沿途景色都幾千篇一律，直至差唔多去到秋葉原先感覺到自己返返嚟遊客區；換轉喺交叉仔屋企開始行，我諗都差唔多去到旺角新世紀。
爸：「而家真係成街都係女僕cafe，重走晒出嚟拉客。」
嚟咁多次東京我好似真係未嚟過秋葉原，主因係…媽咪唔會買呢度啲嘢，而呢度亦無乜其他景點。而家嘅我就梗知道係點啦…短裙，絕對領域，低胸，有啲會露腰或者露背添，一個二個喺啲大廈門口舉牌叫賣，大概每隔幾十米就有一檔，睇嚟競爭非常激烈，真係辛苦晒佢哋。
而附近當然有宅男喺度行來行去，盡情視姦呢啲秀色可餐嘅女仔，將佢哋短到睇到打底褲嘅裙仔同大髀影象記入腦…由於同死人叉仔一齊住，佢又毫無節制咁講晒畀我聽佢會諗乜，攪到我非常理解佢哋，真陰功。
我：「乜以前唔係咁嘅咩？」
爸：「以前即係妳出世之前喇，識咗妳媽咪同有咗妳之後重邊有機會嚟，去親都係迪士尼，銀座，箱根…嗰陣宅文化無而家咁嚴重，打機係青少年同小朋友先會做嘅嘢，邊似得而家啲人攞住長者卡都喺度打機睇直播，女僕cafe係小眾玩意嚟，大部份係自成一角匿喺樓上做生意。」




我：「哦，即係怪我去迪士尼阻住你開心。」
爸：「點會，有乜咁開心，我覺得呢樣嘢好無聊。」
我：「睇住啲妹妹仔煮嘢食唔係幾開心咩？而且重有人陪你練習日文。」