係同屋失友？定係同居勿友？只想同妳做普通朋友…🤦🏻‍♂️: K578

沖完涼出返去，爹地就喺度set緊地鋪。
爸：「阿女，呢度得一set被鋪，所以要屈就妳同我一齊瞓，可能重有啲迫，妳唔介意吖嘛…」
我：「傻啦，點會介意喎。」唔通要你喺凳度瞓咩…
爸：「講起上嚟，妳好似淨係會同媽咪瞓，都未曾同過我瞓…」
我：「哦，係咪而家走嚟怪罪我喇，分明益咗你啦。」
爸：「欸，我去沖涼喇，妳攰就瞓先啦。」
其實我邊瞓得著…呢個唔係時差嘅問題，唔係地方或者環境嘅問題，係睇到爹地完全唔同晒嘅生活方式，對我嚟講其實好大衝擊；如果我睇到媽咪而家嘅生活唔知又會點呢？可能對佢嚟講其實無乜分別，都係靠黐住男人嚟生活，至於附帶嘅日常活動又算得上係啲乜吖，成年人嘅世界，個身體就係攞嚟用㗎啦，唔知我個身體最後又會同幾多人用過呢…
其實同交叉仔做下都好嘅，我都好明白佢日日對住但無得食只可以打飛機嘅苦況，佢應該好想要，如果有得攬住我進入我嘅身體佢應該會好開心，對我嚟講又唔算係啲乜嘅，佢都幾好人同佢做下我接受到…不過佢琴日咁鬼衰，如果第時得到咗我遲早實會厭然後又對我衰…
呀，我喺度諗乜無謂嘢呀，係時候要瞓覺喇。
爸：「嗯，阿女重未瞓？」爹地佢瓹入被竇度。




我：「未呀。」
爸：「係咪瞓唔慣地下？」
我：「唔會呀，好細個嗰陣我就已經瞓溫泉旅館啦。」
爸：「嗰陣妳每次都要瞓喺我同媽咪中間，但係每朝起身嗰陣，妳就會轆咗去媽咪嗰邊，剩返中間個空位。」
我：「又我錯啦，係我唔識世界阻住你哋。」
爸：「又唔會嘅，朝早妳唔會咁早起身，我就可以同妳媽咪去浸溫泉，然後再順便…」
我：「呀，唔好同我講，我乜都唔想知。」
爸：「妳都咁大個女，又點會乜都唔知喎。」
我：「其實唔使大個女，我好細個嗰陣已經知…」
爸：「吓，妳講真㗎？」




我：「係呀…唔知係四年班定五年班，嗰陣朝早醒咗唔見咗你哋，咪想去睇下你哋係咪浸緊，然後你知啦，日本嗰啲紙門…跟住覺得唔應該阻住你哋，咁咪返上床瞓。」
爸：「呀，對唔住。」
我：「做乜對唔住，你係我爹地，佢係我媽咪，有乜問題，係我曳太早起身咋嘛…」
爸：「欸，妳媽咪佢而家點呀？」
我：「你對佢應該熟悉過我啦…我相信佢會諗辦法生活㗎喇，唔好影響我就得，唔想為佢操心。」