thriXt Qantasy 純文字安眠之作 (New: - U2K - 一直上架): K571

瘟：「咁緊張做乜，咪話咗唔係追佢囉，食一次檸檬重唔夠咩，無必要虐待自己吖，而且係咁煩住佢咪盞佢更加唔鍾意自己…不過你又唔係要追佢，對你有乜影響？」
我：「咁你所謂嘅私事係…」
瘟：「無呀，問下佢點應付嗰兩個中三師妹好啲咋，你知啦，我唔係你，哽唔晒兩個女仔㗎，咪問下身邊啲信得過嘅女仔嘅意見，而佢就係最好嘅選擇嚟。」
我：「咁你點解要同佢影嗰張食飯自拍？」
瘟：「呢個年代，一齊食飯就順便打卡㗎啦，你俾我自high下得唔得啫，上年對住兩個師姐咪又係咁…我唔似得你日日上堂俾兩個絕世靚女夾住呀，如果你玩IG是但放幅上堂相上去都已經夠激到所有男仔反艇…喂重有，我係有請示過佢先敢放story，所以…你咁大反應係攪乜東東？」
我：「無…sorry。」原來我就係為咗啲咁無聊嘅嘢…
瘟：「返去先喇，下次要搵人幫手先再麻煩你。」
點解我會呷醋…點解我會同佢鬧架…心情差到無得再差，我入返課室然後就趴喺枱面大覺瞓。
Q：「粉腸，夠鐘上堂喇。」
我：「有乜好上，又唔係妳陪我上。」我喺夢入面答佢。




Q：「你再唔起身，先生走過嚟罰人㗎喇。」
我：「妳係Queenie？！」我猛烈彈咗起身。
Q：「唔係無見一陣唔認得我呀？」
我：「Q…嗚…妳返嚟喇…嗚嗚…去咗邊？」
Q：「你…攪乜呀…」
我：「嗚嗚嗚嗚…咁耐㗎…嗚嗚嗚…sorry。」突然見返佢，我竟然喊到收唔到聲，然後再無視出面個數學阿sir衝出課室，直接跑咗去洗手間。
QQ返嚟喇，嗚鳴…我將清水打落自己塊面度。
Q：「交叉仔你攪乜呀？係咪想嚇死人你先安樂！」原來佢追咗出嚟，重喺男廁門口大嗌。
而我唯有死死氣咁行返出去，我好想用盡全力抱住佢，可惜呢度係學校嚟。
我：「妳先係嚇死我呀，無端端消失咗咁多日。」




Q：「哼，鬼叫你話我係雞，唔想見到我可以搬走㗎。」
我：「唔好呀，妳係乜都無所謂，對唔住…總之留喺我屋企就得㗎喇，我唔可以無咗妳…」
Q：「都唔知你係咪就係想我去做雞嘅。」
我：「點會喎，我想妳做個開開心心健康嘅普通女仔。」
Q：「因為你幫襯唔起咋嘛，如果唔係重唔晚晚買起我咩…你咪唔好信我囉，晚晚黐埋去唔同嘅男仔度搵著數都不知幾爽呀，重好做過援交妹。」
我：「妳自己決定啦，肯返屋企就得…」
Q：「如果有一日我真係淪落到要做雞，下面俾啲客插到腫晒，返到嚟你會唔會幫我按摩小妹妹㗎？」