thriXt Qantasy 純文字安眠之作 (New: - U2K - 一直上架): K570

其實我乜都無講過，點解QQ一唔見咗人就好似係我錯晒咁…而家我唯一可以做嘅係搵佢媽咪，但如果QQ投靠返佢嘅話就搵嚟都無用，而且我極之唔想聯絡嗰個女人，搵佢即係話佢知佢個女一直喺我度嘅啫，又唔知QQ點同佢講…
臨返工前我再去多轉gym room，畢竟呢度有冷氣有得坐有涼沖好適合佢喺度浪費時間，但好明顯我係食白果；以QQ性格，佢要避我就一定唔會去平時出現嘅地方，呢啲gym room咁多分店佢可以是但去一間都得。
然後去開工，咁就一日；Sor，係三日至啱。直至到星期一朝早我都完全無佢嘅任何消息…理論上間屋得返我一個喺度我大可以叫細蚊上嚟打摔角，而事實上我只係喺度一個人做下功課，流下眼淚，間屋無咗佢喺度實在太淒涼。
我：「Miss…除咗Queenie之外其他都返齊…」
鄧：「吓，佢重未返學？」佢露出詫異嘅眼神。
我：「係呀，唔知佢點，佢班姐妹都唔知…」
鄧：「嗯，返埋位啦，準備開始上堂…」
我無咗QQ呢個屋企人固之然傷心，而佢班姐妹唔知佢點解消失亦變到靜咗好多，至於出面嘅Miss重情傷緊，不贅…總之星期一嘅朝早就彌漫住慘淡嘅氣氛。
當然，對大部份人嚟講只係放完假未適應返上堂。
健：「一唔一齊食呀？雖然唔知你同佢做乜幫唔到你。」




我：「食囉，唔食會餓死…」
健：「唔好咁灰啦，佢總會出現返嘅，唔通以後消失咩…今日星期一等我幫你儲個大家樂印花啦，好唔好？」
如果佢以後消失…你叫我點忘記佢？唯有盡快再溝過第二條女，日日帶返屋企扑嘢麻醉自己；但我唔想再傷害細蚊，可唔可以俾我識個比起細蚊更不知所謂嘅女仔。
我知道健仔同欣姐過得唔錯，但佢就忍住無講出嚟，唔通要喺個好似死老母咁款嘅人面前話自己中出姐姐是多麼的快樂咩？其實我根本就配唔起QQ，唔明咁傷心嚟有乜用…
快咬完就返課室坐喺度發呆，點知有條茂利走咗入嚟。
瘟：「咦，得妳喺度嘅幽蘭，Queenie佢行開咗呀？」
V：「唔係呀，佢今日無返學，搵佢乜事呀？」
瘟：「無乜事，咁嘅然係咁我就聽日再嚟搵佢啦，唔該晒。」佢同幽蘭道別之後，我就追出課室捉住條友。
我：「喂！你又話放棄佢嘅，重煩住人哋算係點先？！」
瘟：「哎吔，你唔好咁大力捉實我啦，成副想打人咁嘅款…」佢唔係講笑，如果唔喺學校我隨時一下過臂摔…




我：「你上星期四同Queenie做咗啲乜呀？！」
瘟：「咁惡做乜啫，咪同佢一齊買咗啲物資，然後順便食飯，謦咗啲公事同私事咁。」
我：「你同佢有乜嘢私事好謦呀？！」