係同屋失友？定係同居勿友？只想同妳做普通朋友…🤦🏻‍♂️: K563

我：「好簡單，因為我唔係為咗溝女，同埋好多嘢其實唔輪到我揀，你個男班長大可以搶返開閂課室同點名嚟做，等我可以應酬少啲女班長。」
慕：「咪攪，呢個女班長使死人，咁做乜唔溝女嘅？」
我：「又唔係未溝過，不外如是啫，溝得多都要抖下。」唔係QQ入侵我屋企，我諗我呢世都唔會咁樣大放厥詞，早就日日放學捉埋韻婷返屋企愛愛，享受軟棉棉…開發無知處女嘅快感，唔使日日忍到尿結石咁滯。
慕：「服咗你，都未聽過有人有食唔食嘅。」
我：「食女又唔係難，想食可以隨時食嘅啫，其實你要食都好易㗎咋，係要搵啲易氹嘅女仔囉。」
慕：「我知呀，所以唔急吖，寧願識多啲高質嘅女仔先。」慢慢串吖你，正一青頭仔，你千祈唔好攪到我身邊啲女添呀，否則我就可以話你聽乜叫決一死戰。
個個都偽君子嚟嘅，得個樣，瘟神都好過你呀。
慕：「嗯，釘完大半底紙，感覺上已經好睇咗好多。」
我：「的確，喺我角度上面貼埋學業進步四隻字就可以交功課。」
慕：「係就好，點解你可以hea成咁？」




我：「多謝你讚我喎，我只係樂於貫徹道家嘅生活原則，執嘢走人啦，我要落去校務處還匙喇。」
我係你，有外表又有返幾個錢，加上無乜人格，早就去咗食女啦，做乜想黐埋嚟女神圈呢邊嘥時間，都黐膠花嘅…
就係咁又浪費咗大半個鐘喺啲無謂嘅事情上面，然後返到屋企得自己一個，QQ話佢今晚有校務要搞唔返嚟食飯，但就無同我講係乜事…是但啦，佢哋幾個本身就忙。
我唯有繼續進行下啲無謂嘢，例如整理AV同疏通前列腺，最㷫係我諗起健仔可能呢一刻就喺度注射緊城大姐姐，實在太過份，呢個世界真係風水輪流轉，飛砂風中轉，此一時也彼一時也。
就喺我漚到九點幾嘅時候，我收到健仔嘅訊息。
健：『唔知應唔應該send畀你，但我諗你會想知…』
附圖係瘟神IG story嘅cap圖，內容係佢同QQ喺一間睇落幾高級嘅餐廳入面食晚飯，坐喺一張圓枱，不過影相嗰陣瘟神就褪咗過QQ隔籬重搭落佢凳凭，張相似係搵店員影嘅，成個feel就係情侶晚飯咁款，上有題字幹事交流再加一個笑到喊。幹！QQ妳到底幹了甚麼好事？
我望住幅相呆咗幾分鐘，就聽到開門聲…
我：「Queenie…攪到咁夜先返嚟嘅？」
Q：「嗯…係呀，處理咗一啲社務，重幫塊壁報板買咗少少顏料，好攰呀…」




我：「社務？乜鬼社務呀？呢啲就係妳口中所講嘅社務？！」我打開電話mon畀佢睇，佢先係呆咗一呆。