thriXt Qantasy 純文字安眠之作 (New: - U2K - 一直上架): K522

V：「哎喲，我管家提我重有十五分鐘就要上車，已經喺停車場等緊我嚕，咁快就要走…」
Q：「唔緊要啦，都已經食完，我哋聽日返學咪又見。」
然後幽蘭又揮揮手叫個侍應過嚟，遞出佢張黑色小卡。
姐：「小姐麻煩等一等…」個個都好似見鬼咁…
Q：「唔該我想清埋啲K Dollar。」
姐：「好，無問題，盡快為妳哋打點呀下。」今時今日香港有啲咁嘅服務夠晒奇怪，呢度又唔係五星級酒店…
過咗廿秒到就換咗個著住西裝嘅經理攞埋部卡機過嚟。
經：「感謝小姐大駕光臨，唔知妳滿唔滿意我哋餐廳今日嘅菜色同服務呢？」
V：「好味呀，平時都有食開，但堂食係第一次，本身管家鍾意嚟呢度外賣返去畀我食。」
經：「我哋呢間平民小店可以得到你哋嘅賞識實在榮幸，呢張係我嘅卡片，小姐如果下次嚟可以預先打畀我，等我盡早為妳哋安排一個更加好嘅位置。」




呢間嘢百幾蚊一碟飯叫平民小店…咁我平時食開嗰啲叫乜？我知！一定係貧民小店！
經：「請問係咪有需要扣K Dollar？麻煩畀個QR code…」
Q：「喺度，唔該晒經理。」
然後就如常咁插卡埋單…
經：「呢張係收據，另外呢度有疊coupon，如果小姐有朋友感興趣嘅話不妨為敝店推介下，再次多謝幾位嘅惠顧，希望下次可以再為你哋提供優質美食同殷勤服務。」
經過恐怖服務嘅洗禮後，我哋幾個就離開餐廳。
我：「大小姐請慢行，希望草民可以有再次同妳共進晚餐嘅機會。」我企喺佢前面玩嘢。
V：「你試下再咁同我講嘢！睇下我打唔打死你！」
我：「草民知罪…請大小姐手下留力。」
Q：「Uranus講得無錯，呢條友真係賤骨頭嚟。」




V：「我覺得係硬骨頭多啲，佢喺妳哋嘅玩弄之下都可以好地地，實在係唔簡單。」
我：「我只係諗緊，既然我都係餐飲服務業嘅一員，好似有需要訓練一下呢啲對話。」
Q：「算吧啦，你平時咪又係藍妹兩枝嚟緊。」
V：「喺呢啲餐廳做嘢好大壓力㗎，無謂迫自己啦。」
我：「咁萬一有一日大小姐妳發神經臨幸我哋間酒樓點算，話晒喺學校對面咁方便。」
Q：「吖，你條友係真玩嘢定真唔識中文㗎？」
V：「你試下再大小姐吖嗱！信唔信我真係臨幸你㗎！」
Q：「欸…幽蘭妹妹，請問妳諗住點臨幸呢條友？」
V：「欸…唔講呀！你間酒樓都唔會收AE㗎啦！」