為了實現媽媽遺願，我成為了女兒國唐僧: K520

Q：「唔好咁傻啦，行唔通㗎，條友會得寸進尺咁我就實無剩。」講真我一早就俾佢玩謝咗，由佢第一次踢爆我打J嗰陣開始，我嘅私生活就好似俾佢控制住咁。
V：「唔信，如果乜都無嘅話有乜可能佢會咁聽話？」
我：「其實，Queenie屋企遭遇巨變已經好慘㗎喇，咁啱我間屋又可以幫下佢啫，所以佢喺度住得舒服係最緊要，我無諗啲乜奇怪嘢，就算諗咗都唔會做出嚟。」
V：「畀心機啦，你乖乖地嘅話，以後一定有機會嘅。」
Q：「吖，妳咁關心佢感受嘅話又唔見妳貢獻自己出嚟畀佢揸下嘅？」呢兩隻生物到底有無當過我係男人…
V：「妳咁講開，諗諗下又唔係唔得㗎喎，不過我身材比唔上妳，條友可能會睇唔上…」
Q：「幽蘭妳點可以咁諗㗎！妳係乖乖女嚟㗎！」
V：「畀人揸下又唔會無咗忽肉嘅，言下之意妳係咪好曳？」曳到爆啦，經常性協助及教唆他人環保衰十一。
Q：「唔係…我意思係女仔應該要愛惜自己身體，呢啲嘢只可以同自己鍾意嘅人做。」
V：「茜旎，其實俾人揸波有乜感覺，舒唔舒服？」




Q：「呢啲嘢妳問我嚟做乜，妳揸下自己咪知乜感覺…」
V：「梗係揸過啦，咪就係無乜感覺，所以我頭先揸妳嗰陣妳都唔理我…唔通要男仔揸先有效嘅？」
Q：「有乜舒唔舒服，根本就係佢哋變態先咁鍾意搓圓㩒扁嗰兩堆脂肪。」
V：「咁可能我都有啲變態，唔通隻手真係會舒服過對波？」
我：「呢個咪係著名嘅手指同鼻哥㝫舒服問題？」
V：「唔使諗，一定係鼻哥窿舒服！」
Q：「食飯喇，你兩個唔好喺度扮細路仔假膠好唔好？」
V：「邊係扮，我真係細路女嚟，唔似得妳，咁交叉仔你都係放棄先啦，唔使羨慕我，雖然真係好好揸，或者你可以揸返自己研究下手定心口舒服呢個問題先。」
Q：「唔使妳講，佢不朽都鍾意自己嚟。」
V：「妳又知嘅？唔通…就算妳喺度佢都會自己嚟？！」




Q：「唔好問我啦，唔想諗起呢啲咁恐怖嘅畫面…」
V：「好得人驚呀，咁佢DIY嗰陣妳會點保護自己？」
Q：「我會返秘密基地，搵張被包實自己，等出面隻哥斯拉發現唔到我，噴完火我先會返出去。」QQ同幽蘭一齊嗰陣真係特別得意，明明佢成隻大髀都俾火燒親。
V：「係咪呀，妳又曳又勇敢，唔係應該企出嚟打走哥斯拉嘅咩？」
Q：「唉，其實…妳唔好幻想咁多啦，講真嗰句我同佢相處得好好，但其實又無乜嘢。」玄得佢吖…
V：「算啦，唔問妳喇，橫掂你哋大個仔大個女，實會發生好多我唔明嘅嘢，我只係羨慕妳啫。」