thriXt Qantasy 純文字安眠之作 (New: - U2K - 一直上架): K350

Q：「有都無用啦，我邊有咁多錢請個演員返嚟喎。」
我：「妳都知妳幾值錢嗱？算啦，攤凍佢當無咗件事。」
Q：「我唔想咁對佢呀…佢係個好人嚟，如果有錢我直頭想退返畀佢添呀，點解要咁喎。」
我：「我唔識定義好壞，但妳暑假收咗佢呢三千幾蚊算係好大幫助，我諗佢會覺得有意義過課落game度嘅…」
Q：「不如你幫我諗下可以點樣補償返佢啦，同埋我唔想佢咁樣呀，其實你都知道…沉迷呢啲嘢禍害好深遠。」
賊喊捉賊，貓守松魚，毒梟唔俾仔女吸毒嘅道理…
我：「點補償？擘大大髀影幾幅相畀佢用囉。」
Q：「乜你認為咁樣係好事嚟咩？」
我：「唔好㗎，但你唔係唔知男仔個腦九成諗乜㗎，我哋梗係想睇，又唔想太鶻突，重想保持返禮貌，呢個世界就係咁矛盾…唔好諗住啦，既然走甩咗就安心食嘢先。」
係囉，係得我可以咁唔要面對住YY講話想睇佢個閪。




Q：「係呢，點解…你一個人會嗌兩碗米線嘅？」
我：「無呀，因為買兩碗先有特價平啲囉。」
Q：「真係？都唔知係咪約咗EX上嚟一齊食…唔使因為我返嚟就趕走人㗎喎，都唔使叫人匿埋喺床下底。」
我：「如果約咗佢哋我就直接出去食好啲啦…我只係諗住一日食一餐慳返啲錢同時間。」
可以點搞？我都唔知…拖住先囉，細龜份人耐性唔錯嘅。
QQ平時水咗唔少男仔錢，但呢兩日就因為細龜件事而喺度心煩，唔知乜邏輯嚟，收人蘋果錶又可以咁開心…
我：「少見喎，妳竟然兩晚都唔直播。」
Q：「開咗學啦嘛，同埋我琴日先話自己腸胃炎，無理由咁快無事嘅，抖下都好，無乜心情播。」
我：「唔播呢邊可以播另一邊嘅，轉換下心情。」
Q：「阿健一早同我講咗呢兩日唔得閒，唔自己播喇。」




我：「呢條友仔喺度攪乜，唔通要練波？」
Q：「就算練波都唔會練到咁夜啦，有乜嘢攪自己心照，我都唔得閒理佢…其實…我咁樣賺啲男仔錢係咪好衰？」
我：「呢啲嘢你情我願嘅啫，妳唔做重有大把人做，佢哋啲錢只會課畀第二個，而家起碼妳無呃佢哋，係個真材實料嘅靚女唔使美顏，彈琴係即彈唔係錄音先。」
Q：「我明明應承咗細龜見佢，如果以後都唔見佢咁同呃佢有乜分別喎…算啦，你都係快啲返工先，記住放工返到嚟要即刻沖涼瞓覺呀，聽朝你要好早起身。」
我：「知啦，對住佢我邊敢放飛機…好彩我嘅收入算穩定，妳攰嘅就播少啲啦，我一定會支持妳嘅生活唔會俾妳餓親，所以唔使擔心。」
Q：「你哋對我越好我就越擔心…如果有一日，你開始覺得唔鍾意我，希望你可以即刻話畀我聽…」