為了實現媽媽遺願，我成為了女兒國唐僧: K349

然後，空氣靜咗，呢個世界真係細，原來我身邊嘅男仔全部都喺度迷戀妳，雖然傻仔健單嘢其實係我攪出嚟；但諗落又正路喎，細龜佢咁迷女仔，現實上又完全無識女仔，咁平時到底佢會做啲乜已經不言而喻…而且QQ講過有個fans會係咁點乃木坂嘅歌…
我：「…，妳可以…同佢講，乜咁啱呀？我哋今朝咪食完早餐嚟囉，咁我提早收工喇，bye bye…」
Q：「唔好玩啦…我離遠見到佢咋，我唔敢過去呀。」
我：「我都明…但可以點喎，放佢飛機然後少個課長囉，不過佢隨時唱衰埋妳攪到其他fans走人。」
Q：「有無其他辦法呀？我其實唔想咁樣對佢…」
我：「一係妳同佢講今朝食錯嘢肚痛，而家唔係幾方便見你…然後…妳再諗下遲啲點應付佢囉，或者佢寧願要一打原味底褲而唔見你呢。」
Q：「…，唯有係咁頂住先啦，好彩佢唔係山長水遠過嚟，唔會太hurt掛。」
我：「咪就係因為佢係細龜，所以先會約得咁近，同埋時間就到啱啱好囉…妳記住講得肉緊啲，話妳喺度係咁屙屁所以唔可以過嚟見佢，如果唔係佢實話等妳。」
Q：「如果有咁嘅一日我實困你喺個箱入面，然後屙晒入去焗死你，等你個肺爛為止。」
我：「你知唔知靚女屁係有陣獨特嘅香氣會聞到扯…」




半個鐘唔夠右女神就返到嚟，一面苦惱咁嘅樣。
我：「啲米線重暖㗎，嚟同我一齊食tea啦，我都算係半個課長嚟。」
Q：「咪講笑啦，點解成日都係咁㗎。」
我：「人哋宅男嚟，會上網睇女直播課金都好正常，匿喺個被竇入面除咗自己條褲，隻手捋下捋下咁…」
Q：「呢啲我無所謂呀，問題係而家可以點算好？」
我：「有得點算，除非妳直接同佢講妳係黑桃王后嚟囉，妳敢唔敢吖？」
Q：「唔敢呀…佢嘅話，我諗唔會爆我出去嘅…但唔知佢以後會點諗，好驚佢問長問短，好驚佢直接追我或者憎咗我，我唔識面對佢呀…」
我：「未必嘅，可能會更加愛妳直接課畀妳唔使經平台，到時妳可以收足一百%唔使蝕。」
Q：「我唔要咁呀，我唔想同學校同學有奇怪關係。」
先唔講我…咁妳請傻仔健做妳員工又係乜意思。




我：「或者妳可以出錢請個同妳身型差唔多嘅女仔去陪佢食飯玩下了咗件事，然後佢乜都唔知繼續課。」
Q：「我應承咗會去琴行彈乃木坂畀佢聽…」
我：「我諗妳搵個可以中出無限Q嘅援交妹會重易啲，不過我相信係錢問題嚟啫，長腿大波鋼琴妹…」