為了實現媽媽遺願，我成為了女兒國唐僧: K191

A：「各位親愛嘅會員，唔知大家有無留意到重有唔夠一分鐘就會嚟到九月一號？呢個年代除夕可以倒數，年三十晚可以倒數，就連平安夜都有人倒數，咁點解我哋唔可以倒數慶祝迎接開學日呢個咁振奮人心嘅日子呢？你哋話係咪呀？咁多位學生哥！嚟啦，重有十秒！九！八…」
唔知係咪會長佢一早收買咗幾條友陪佢一齊癲，有幾個人勁大聲咁一齊數，最後全場都加入呢個超戇㞗嘅環節…
「三！二！一！開學日萬歲！Yeah！Wohoo！」
全場人跳起，原來…放完暑假都可以咁開心，咁睇嚟聽日要開工嘅社畜應該可以朝早起身興奮到潮吹。
呢啲moment就梗係同附近生物碰杯繼續飲，已經無人記得我同貞姐啱啱嘅事，除咗佢本人死死咁盯住我之外…
A：「喺呢個普天同慶嘅日子，等我哋一齊高歌慶祝！」
布幕上面打住嘅係，許冠傑—學生歌。
A：「學生哥，好溫功課，咪淨係掛住峽谷！最弊肥佬左，無陰功咯，同學亦愛莫能助…學生哥，好咪書囉，咪日夜掛住上分！顧住十幾科，科科禍，面懵懵一肚火。」
歌呢，我就當然識，亦都算係唱得到…但呢首咁嘅嘢，就算返返去我老竇讀書嘅年代都嫌老餅啦係咪，不過又無嘢，大家飲到半醉high high地全世界都又跳又唱。
A：「我諗大家嚟都唔係為咗聽我啲歌聲嘅，不如就邀請我哋工會嘅Twins！阿Yan同Janey出嚟為我哋唱返啲同讀書有關嘅經典名曲！」




我諗佢哋都一早夾定嘅，兩位姐姐完全無托手踭好輕鬆就揀咗第一首歌，咁比起頭先叫潮好多㗎喇。
欣，貞：「先生早，校長早，各位早，誰共我研討展開初戀的態度，AB君誰又會待我最好？談情可否當代數？」
我望住MV上面嘅Twins，係我未出世時嘅Twins，青春活力到爆晒啲汁出嚟；當年無黑鮑，無臘腸，無好傻好天真，無大話妹，一切都係望落咁美好。
欣，貞：「問愛戀易學難精，可否惡補，然後你也會勸我 嬉戲別要那麼早，若愛戀亦是成人班必修一課，盼望能提前共我探討…」其實啲歌詞…係幾有feel。
佢哋唱唱下又遞枝咪畀其他人。
「Chemistry gives me love。」係個四眼OL。
「Biology gives me love。」頭先陪我㧻波嘅哥哥。
好快就嚟到第二首，我望住唱緊歌嘅兩位姐姐，實在係越睇越吸引，不其然又飲咗一大啖藍妹，浮現起Angel…
欣，貞：「男生們是非我細細聲講給妳，我坐妳隔籬，像對孖公仔報喜…告訴我其實妳，原來曾為了他，曾瞞著我離去，做過普查…誰料妳為了他可這樣不雅…」
今次真係輪到臘腸，其實當年…佢哋只係做啲好正常嘅嘢啫，錯嘅只係部電話，呢個係世上其中一件最偉大錯誤…