為了實現媽媽遺願，我成為了女兒國唐僧: K190

哼，當我流㗎。其實係因為貞姐玩輔助，佢匿喺側邊幫我開盾加防補血，身為坦克嘅我佢又有乜可能一套帶走我，喺我起勢追同磨嘅情況下兩隻半血就俾我收咗。
欣姐攞起枝ice好豪放咁嘴巴向天飲咗一大啖。
我知道健仔個角度係近距離睇晒條乳溝，重有個Bra邊都係，但心諗欣姐咁有料到就唔會離罩喇。
健：「咦，我枝cider無晒…」想詐帝唔飲？
欣：「嚟啦，幫我飲埋佢啦，衰嘢。」
欣姐舉起個樽擺埋去健仔嘴邊，重整濕咗少少個傻仔件衫，跟住佢就攞起個樽咕嚕咕嚕咁飲落肚；妖，咪咁多幻想啦，當年我舐勻晒大卡車各種體液嘅時候，你重係個中二病嚟㗎咋。我先懶得理你呀。
佢兩個復活完，好快就一齊嚟搵人復仇。
貞：「吖！吖吖吖！粉腸快啲返…喂！我死咗喇，你做乜自己行開咗呀？！」咪就係為咗對面河隻野怪囉。
我：「Sorry呀…一時唔留神。」
貞：「道歉有鬼用咩？累我要飲…自己就滿血…」貞姐攞起枝藍妹放喺個嘴前面開始飲…貞姐佢嘴細細，嘴唇偏薄，搽咗啲櫻紅色嘅唇膏，排牙都好白，兩隻上犬齒生得有啲出好似貓仔咁露出嚟。




我：「得，我飲返。」我攞走佢枝藍妹一口氣飲晒三份一樽，直至一滴都無再倒轉個樽話畀大家知。
屌，真係唔好飲，重要放太耐唔夠凍，我想飲zero呀！
貞：「做乜搶人哋枝酒？見人哋間接kiss唔抵得呀，吓？！」幫妳頂酒重咁多聲氣，家陣啲女人真係…
我：「乜呀，累妳死咪幫飲返，我使唔使間接kiss呀？」
貞：「仆街啦你，唔間接kiss咁可以點呀？」
咁囉。我無出聲，一嘢啄落佢個嘴仔度回答佢…唔算係閃吻，都當然唔係深情一吻，係輕啜咗佢零點三秒左右；我認我有啲醉，呢個動作換嚟所有人對我嘅側目，連欣姐都嚇到O埋嘴，阿健個腦怕且就入埋水運作唔到添。
好閒啦，我同Queenie姐喺佢條仔面前打晒茄輪咪又係…
貞：「我屌你呀！」姐姐個樣實在係難以形容，扮怕醜好似會有失風範，扮嬲就會顯得心胸狹窄，受落嘅話就更加係不合常理…欸，我希望佢係心中暗喜啦。
呢個時候某個峽谷入面有十隻英雄俾人點穴咁企晒喺度。
「啪啪…啪啪…」「就屌佢！屌啦！」「唔怕！再嘴！」




個個都醉醉哋，如果唔係我份人咁理智，即場除衫扑埋嘢真人show又有乜所謂呢？大學生唔會衰十一…
我：「貞姐姐對唔住，係我衰仔，我不知所…」
點知喇叭突然好大聲打斷咗我。