為了實現媽媽遺願，我成為了女兒國唐僧: K120

咁其實我都係打開機，點會唔知當面一路謦一路夾係最好，不過就會有演變成真人格鬥機會嘅堪虞。
Q：「唔得喎…打完波咁鬼臭，無理由叫佢喺度沖涼㗎…總之你叫佢執靚自己就上嚟陪我玩啦。」好明顯佢係無理過我講嘅嘢…
我：「你叫佢執靚自己，小心人哋誤會呀。」
Q：「點會，我會畀返錢佢，無任何誤會嘅空間。」
我：「係誤會妳壓榨勞工出糧低過最低工資，小心人哋去勞工處告到妳甩褲。」
Q：「咁就簡單啦，我著裙嘅話佢應該就會乖乖地。」
呢個女神分明就係要用旁門左道，點會無誤會空間？
Q：「返你嘅工啦，鬼叫你無時間陪我玩，又水皮。」
我實在係好想即刻扯甩佢條褲打佢pat pat，到底係邊個嘅原因攪到我打少咗咁多機？而家重好意思掉轉槍頭嫌我唔夠勁帶唔起佢…
於是我就問阿健聽晚得唔得閒，點知條友仔一聽到話女神約佢上嚟打機就話連波都唔打，食完飯就會上嚟夾…




死仔包…不過我又明嘅，女仔叫到其他嘢當然係要讓步先，尤其係佢呢啲平時無乜機會嘅人。
Q：「人仔，你唔係話要同阿健打波嘅咩？」
我：「佢話好耐無玩趁晏晝操下先喎，所以唔打波喇。」
Q：「係呀…咁你玩唔玩下，我砌緊出裝。」
我：「唔啦，有人嫌我水皮，唔玩喇。」
Q：「做乜呀，你嬲呀？」
我：「唔得閒嬲，但我呢啲上唔到傳說就無謂獻世啦。」
Q：「你呀…我知你返工辛苦，唔想你再嘥精神喺呢啲地方啫，如果你唔想玩就算啦。」
我：「欸，我想睇妳玩多啲。」
我望下望下，佢又真係勁咗㗎喎，睇嚟呢幾日佢都有練過；QQ唔係傻，專心練幾隻拖技嘅法師，唔使太多高端操作，總之煩到對面hi hi心浮氣躁就會出錯。而我坐佢隔籬睇，可以挨住佢個身同黐住大髀，好過自己玩啦…




我：「佢話準備出門口喇喎。」
Q：「咁我都要換衫，著乜嘢好呢？」
我：「梗係要換啦，快啲戴返個Bra先啦。」
Q：「嗯…唔知阿健見到我突點嘅話會點呢？」
我：「黐線嘅咩，做乜要畀佢見到，點專心打機。」
Q：「嘻…應該會好大反應，唔似得某啲人睇厭咗。」
我：「邊係厭…喎，只係習慣啫，對住靚女都唔係廿四小時諗住嗰啲嘢㗎，除非…粒釘特別企身啦。」