thriXt Qantasy 純文字安眠之作 (New: - U2K - 一直上架): K119

個版面最高有行Kuromi嘅表情包，都幾得意嘅，係唔知會唔會侵犯版權俾平台警告；中間大部份就係遊戲直播位，右下角就係一個細細地嘅webcam畫面，下面就有個日系女仔風嘅框框打字位。
Q：「我講過…一Q最少十皮呀，你失憶㗎？」
我：「唔准出去做呀！妳敢做…我將妳綁手綁腳困喺屋企！」我咁樣算唔算幫佢媽咪睇實佢…
Q：「你…如果可以成世喂飽我，又無乜所謂嘅。」
屌！呢個乜女仔嚟㗎？我當然好想綁住妳喺屋企，成世喂飽妳，先喂下面個嘴，再輪到上面個嘴，然後又淪返下面嘴…我望住佢面紅水汪汪眼嘅樣，好想即刻大聲講我愛妳，做我女人，以後我日日都喂飽妳！但點解…妳要係一個有男朋友嘅富家女，而我係寒酸屋邨仔。
就算我有膽講出嚟，我都無膽信自己講嘅嘢。
我：「咪話咗…我會一直養妳，唔會俾妳餓親。」
Q：「算你啦，你都幾好人嘅，全靠你我先唔使做雞。」
我：「傻嘅，咪亂講，妳咁叻女邊使靠呢啲…」
佢好溫柔咁嘴埋嚟，我亦都乖乖咁印返上去；其實一直都諗唔明，點解我可以忍住唔同佢大車，再即刻剝佢光豬推落床，連我自己都覺得好神奇。




我：「人哋直播通常係打出裝，開局，同埋想配合乜嘢輔助角色玩，妳又唔係技術主播，打呢啲落去稍嫌有啲班門造車，我諗妳打陪玩收幾多禮物咪算囉。」
Q：「係班門弄斧同閉門造車呀！你講得都幾有道理，但我唔係好差啫，用冷卻流瘋狂掟技都幾有睇頭呀。」
我：「好聽就叫冷卻流，唔好聽就叫亂掟技博大霧。」
Q：「是但啦…總之而家幫我test下先。」
佢喺twitch度開咗個私人房，將條link掉咗落OBS，再send條link去我電話，然後我打開twitch就見到QQ個直播間，喺電話超細嘅右下角望住佢隻腳，感覺無好J到。
佢是但開咗一場嚟玩，我就喺床上面睇，呢種感覺都幾奇怪，而且佢每次死完尖叫我呢邊都要等多一秒先見到。
Q：「而家試埋個咪先，交叉仔，我係Kuromi呀！」
我：「妳把聲變到好嗲好低B，唔係應該型啲嘅咩？」
Q：「唔啦，低低BB先襯返Kuromi呢個名。」
我：「我唔介意妳平時都用呢種聲㗎，喺學校實笑死。」




Q：「我先無你咁無聊呀，為咗零用錢先搞咁多嘢咋。」
我再望一望佢個直播account名，專業掉分Kuromi…
我：「差唔多啦，而家播都無問題㗎喇，講真咪又係想吸引啲睇女仔打機嘅死毒撚，剩係聽到把聲都想有妳陪打啦…呀，我都係時候準備落去開工。」
Q：「嗯，咁等我聽日約埋阿健睇下點夾啦。」
我：「條友又約咗我聽日打波呀…」
Q：「咁咪啱囉，你同佢打完波捉佢上嚟就得。」
我：「Online game嚟㗎喎，使唔使要個人上嚟呀？」