為了實現媽媽遺願，我成為了女兒國唐僧: K121

Q：「打緊機又點會分心喎，係呢，其實你隔住件衫望覺得我粒lin lin靚唔靚呀？」
我：「吓…幾…好呀，幾活潑…幾有活力，有明確形狀…」
Q：「嘻，死鹹濕仔你唔係鍾意凹陷乳頭嘅咩？」佢咁樣講得，即係又唔知喺我硬碟度摷咗啲乜嚟睇。
我：「欸…唔係因為個樣囉，只係…原本好似顯得個女仔好怕醜咁，但刺激下啜兩嘢就會凸返出嚟，好似特別大轉變，覺得幾好feel啫…」
Q：「哼，乖乖女紅杏出牆特別受歡迎，唔輪到我喇。」
然後QQ又勁懶咁背住我換衫，首先tube top，跟住黑色吊帶半截背心，黑色打底褲，出面係全透黑印花裙。
Q：「是但著啦，打機啲傻仔應該無乜要求。」
我：「妳咁都叫是但？嗰啲T恤牛仔褲嗰啲叫乜？」
Q：「嗰啲係叫保守，著得花巧又唔一定刺激到男仔嘅，貼身PE褲加真空PE衫已經係好好嘅選擇，或者含蓄少少壓個Bra印出嚟都收到個效果。」
我：「睇咁多IG無益呀…」


Q：「係無益，但都要知道而家嘅流量密碼嘅。」
QQ又係唔諗住出樣嘅，所以搽咗少少唇膏就算。
健：「嘩…Kuromi，乜著得咁靚女呀。」
Q：「Sorry，唔關事，無論我著乜都係咁靚女嘅，呢啲開工衫嚟咋嘛，咪咁大驚小怪啦。」
健：「咁…我平時嘅生活太過乾燥吖嘛。」
Q：「唔好嘥時間，開兩場嚟試下手感先。」
講真，入到遊戲世界，如果你係專心致志嘅話，隔籬就算坐咗個裸女喺度你都唔會為意；阿健呢排可能比較少玩，段位已經跌返落白金，QQ就喺白金底，系統排咗啲送分局畀佢哋，刺客阿健殺得好開心，QQ亦可以打橫嚟行…
我就費事開三排影響佢哋練習喇，橫掂都差唔多開工；諗返起之前我開工嗰陣QQ會偷偷約阿健玩再呃個傻仔skin，隔咗唔係好耐咋，條傻仔竟然會做咗佢阿四幫佢直播，QQ果然夠晒唯才是用，唔會放過任何資源。
Q：「唔好咁快打水晶！虐待下對面先！等我攞多幾個人頭。」都重未直播，佢就好清楚啲觀眾想睇乜。
小心翻車呀，一陣大家都六神裝，衰一波就逆轉勝…


Q：「交叉仔你重唔落去開工嘅？」
我：「落㗎喇，重有十分鐘…」
Q：「放心出門口啦，你都好清楚就算孤男寡女共處一室，你好朋友都唔會夠膽亂嚟。」
我望住阿健，佢成副屈屈不得志嘅死魚樣，你估得你係咁呀，我平時都係有得睇無得食㗎咋。
健：「我唔想俾呢條友打死住…」