為了實現媽媽遺願，我成為了女兒國唐僧: K118

Q：「吖，有口話我無口話自己…係呢，你爹地呢？」
我：「佢無一齊返嚟呀，話廣州有直航機去越南上船所以唔返香港，當抖多一日…呀，我今朝喺廣州買咗核桃酥同雞仔餅，妳可以攞嚟食。」
Q：「呢啲嘢香港無咩？」
我：「咁其實廣州有嘅嘢…香港都會有，係平啲咁囉。」
Q：「得唔得㗎，有無落三聚氰胺嘅先？」
我：「就係有先夠正宗地道…咁驚就唔好食啦！我專登去舊街啲餅鋪買，唔係手信鋪啲謴水貨嚟。」
Q：「整塊雞仔餅嚟啦…其實你爹地成日咁樣周圍去好似都幾開心，我都想食越南牛河同虎蝦。」
我：「如果剩係得自己一個人，可能幾優哉游哉嘅。」
Q：「唔知佢一開始係咪真係想生你出嚟嘅呢？」
我：「可能只係鍾意插花…樽，結果唔小心結…咗果。」




Q：「…，唔出奇嘅，你媽咪都樣靚身材正。」
我望一望書櫃玻璃上面嗰一千零一張媽咪相，係及肩相嚟，話樣靚我可以理解，但身材正就…
我：「吓？點解妳會覺得我媽咪身材正，點睇出嚟？」
Q：「你理得我咁多吖。」佢個樣古古怪怪咁。
我：「唓，講靚邊夠妳媽咪嚟，身材最多咪差唔多。」
Q：「唔係呀，起碼你媽咪有媽咪樣，唔似得我阿媽咁剩係識亂咁嚟。」佢望住我媽咪幅相講。
原來要有媽咪樣先可以生仔？咁點解呢個世界咁多靚妹唔小心俾人攪大肚，keep住凱婷個look咪可以下下內射？
QQ媽咪廿歲生佢，而家即係三十五歲；我爹地同媽咪係中學同學嚟，咁應該同年，而家嘅話就係四十歲，呢幅相計落有十一二年歷史，相入面嘅媽咪係廿八九，但諗返起今日QQ媽咪低BB個樣就會覺得佢重細過幅相入面嘅媽咪…
我：「但係女人唔係鍾意永遠年輕，年年十八歲咩？」
Q：「係呀，所以我唔打算要做人哋媽咪，唔生喇。」




講就天下無敵，做就下下中出，真係服咗妳。
Q：「唔講廢話喇，呢幾日我學咗點用OBS，你快啲同我一齊test呀，自己一個睇到我眼花撩亂。」
我：「嘩，女神妳咁叻女呀？」佢重叻到已經買埋無綫嘅USB clip mic，而家部電腦插住webcam，mic，佢部電話，重有keyboard mouse，連我都覺得煩。
Q：「望下我個scene，睇下O唔OK，我下面留咗個banner位打字，但係就諗唔到有乜可以講。」
我：「今日開工，即約即出，一皮一Q。」
Q：「我屌你呀！信唔信我而家就出去開工！」
我：「對唔住！係我亂講嘢，知錯！」我即刻攬返住佢。
我諗…QQ呢幾日一定嘥咗好多心機去研究啲軟硬件，執靚個版面，為嘅就係等我返嚟可以睇到佢嘅努力，點樣用有限資源賺多少少零用錢，而我就咁唔認真，佢躁都係正常嘅…就怪我同佢嘅生活實在太親密，講嘢越嚟越口沒遮攔。