thriXt Qantasy 純文字安眠之作 (New: - U2K - 一直上架): K117

我諗QQ都已經喺屋企，係時候快啲運zero返去畀佢飲。
Q：「咁耐嘅，係咪我阿媽截停咗你呀？」
我：「嗯，佢睇到我同妳say hi。」
Q：「係咪衰呢，做乜要喺街度聊我喎。」
我：「又係妳話以後喺附近撞到唔使扮唔識，因為我哋喺學校都識，太作狀反而更容易令人覺得奇怪。」
Q：「咁佢同你講咗啲乜呀？」
我：「佢話請我食嘢，然後捉咗我去M記坐。」
Q：「哈，畀少少甜頭你就跟人走，容乜易俾人拐咗。」
我：「吓，佢係妳媽咪嚟㗎喎，而且好靚女。」
Q：「靚女有鬼用咩，花樽嚟㗎咋，都無貢獻嘅。」




我：「花樽起碼…可以攞嚟插…而且妳重靚過佢啦。」
Q：「即係咁，我唔當你讚緊我㗎，佢同你講咗啲乜？」
我：「佢問我係妳邊個，我咪話同班同學，普通朋友。」
Q：「哦，咁重有呢？」
我：「佢問妳之前喺學校正唔正常，我咪話唔覺特別。」
Q：「就係咁咋？」
我：「佢話妳唔聽媽咪話所以發脾氣跑走咗，我話青春期個個都差唔多唔使咁介懷，管唔住，妳咁叻女實無事。」
Q：「你無同佢講我走咗去邊㗎？」
我：「普通朋友又點會知妳去咗邊，我叫佢快啲返屋企等，妳嬲完就會扮無事返去。」
Q：「算你啦，都蠢唔晒。」明明我呢方面就好聰明…




我：「佢竟然唔認得妳間學校，真係好神奇。」
Q：「正常表現嚟，佢剩係認得圓方同IFC有乜嘢名店同有乜食，去到置地已經可以蕩失路。」
我：「咁中環啲路咁亂係好難認嘅，但佢真係好靚，唔怪之得咁輕易就可以搵到男人收留佢。」
Q：「有鬼用咩，係叻就可以收留埋我啦，連佢都驚我去埋會危險，肯定一早知條友淫到爆，有食唔食罪大惡極嗰啲嚟，佢自己要埋佢啦，我先唔會去住…哼，所以呢，我咁靚女一樣好易搵男人收留我，你因住嚟呀。」
我：「唔好呀，我會惜晒妳！」我借啲意就攬住咗佢。
Q：「唔准反口㗎，如果唔係我就去搵第二個。」
我：「唔好呀，做花樽…畀人插好慘㗎。」
然而，我下面已經失控咁頂住佢，重要一路幻想緊佢媽咪做花樽嘅場面…我終於明QQ點解成日都話唔會學佢阿媽。
Q：「又唔係嘅…如果男朋友養得起我，一日一次都OK。」佢無踢爆我下面無禮嘅舉動。
我：「啊，妳個大食女吖，真係盡得優良遺傳。」