為了實現媽媽遺願，我成為了女兒國唐僧: K116

我：「嘩嘩嘩！喂喂！喂！」我搶返部電話，手忙腳亂咁㩒收線制，點知…佢部電話已經響咗。
我：「奸茅呀！講過唔算數！同自己個女一樣咁奸！」
媽：「Yeah！原來我重呃到而家啲小朋友。」佢擺個V字手勢；屌，唔係呃唔呃囉，只係無諗過妳貴為人哋阿媽會做埋呢啲咁卑鄙無恥下流賤格嘅嘢，小心生女無閪窿呀…
咁又唔得，萬一佢真係無，我咪得物無所用？
我：「妳！我…唔會理妳㗎，我block晒啲電話佢，最多改埋電話號碼！」
媽：「唔使咁興奮喎，我諗我唔會主動搵你嘅。」
我：「咁妳要我個電話號碼嚟做乜？」
媽：「你唔想我知你個電話號碼，九成會加一三三打嚟，咁我又九成會當垃圾來電cut咗佢，咁唔係幾好嘅。」
呢啲藉口真係搵鬼信…當我傻仔健咩，如果QQ真出事，我實會連續打一百幾十次，點會係廣告電話。
媽：「隔咗咁多年再嚟呢區，感覺上都幾懷念。」




我：「妳以前喺度住嘅？」
媽：「唔係，但我喺隔一個地鐵站嘅學校讀書，有同學住呢邊，所以有時都會行過嚟，以前無乜錢就會上嚟呢間麥當勞食唔知二三四定三四五，不過好快已經無咗。」
我：「乜嚟㗎？星期幾限定特價餐？」
媽：「唔係喇，即係兩蚊新地筒，三蚊漢堡飽，四蚊蘋果批，入嚟食晒三樣已經好滿足，畀十蚊重有一蚊找。」
我：「咁真係好平喎，有嘅話我會食三個包算。」
媽：「咁以前啲嘢邊有而家咁貴，但確實係平嘅。」
我：「好似之前有做過類似優惠，重有五蚊四件麥樂雞，但係要嗰一日先有。」
媽：「以前係日日都有，食到你唔食咁滯。」
我：「自從佢cut咗特價豬柳蛋漢堡，已經唔會再發生呢件事，不過…妳以前會走過嚟竟然唔認得阿女間學校…」
媽：「我記得…以前…好似…間學校唔同色㗎，好喇，我都係時候早啲返屋企，可能阿女已經發完脾氣返咗去，我都唔阻你咁多時間喇，慢慢食啦，bye bye。」




妖，一早食完啦，特價餐一個，喺度啜緊啲冰水咋嘛。
呢個媽咪真係好鬼浪費，杯乜嘢四季都叫春重貴過我個餐，佢竟然只係飲咗一半就劈喺度唔攞走…枝飲管畀佢含過，入面重有好多茶，嗯…唔緊要啦，我同QQ咁friend，靚靚伯母啲口水尾無傷大雅，等我啜啜啜…好味。
鍾意媽咪，雖然唔係我媽咪，而且好麻煩。